Կինոպրեմիերա, նոր միջազգային ֆիլմ և սցենարագրության վարպետության դաս․ Նորա Արմանին Հայաստանում է

Միջազգային մրցանակների արժանացած դերասանուհի, պրոդյուսեր, կինոռեժիսոր, սցենարիստ եւ մենթոր ՆՈՐԱ ԱՐՄԱՆԻՆ այս օրերին Հայաստանում է։ Նրա այցը հագեցած է ստեղծագործական ծրագրերով՝ ներառելով ինչպես կինոյի ոլորտին առնչվող նոր նախագծեր, այնպես էլ աշխատանք սցենարիստների հետ։

Սեպտեմբերի 3-ին տեղի կունենա Հրաչ Քեշիշյանի նոր ֆիլմի՝ «Մի գդալ սեր»-ի հանդիսավոր պրեմիերան։ Ֆիլմում Նորա Արմանին մարմնավորում է Դեյզիի դերը եւ անձամբ կմասնակցի ֆիլմի կարմիր գորգի միջոցառմանը։ Միաժամանակ ավարտվել է Կալիֆոռնիայում նկարահանված Փիթըր Թաքլայի նոր կատակերգական ֆիլմը՝ «My Big Falafel Egyptian Wedding», որտեղ Նորա Արմանին խաղում է գլխավոր դերերից մեկը։ Ֆիլմը գունեղ և հումորային պատմություն է, որը միավորում է տարբեր մշակույթներ, ընտանեկան հարաբերություններ եւ զվարճալի իրավիճակներ։

Հայաստանում գտնվելու ընթացքում՝ սեպտեմբերի 5-7-ը, Նորա Արմանին Կինոյի տանը կանցկացնի նաեւ եռօրյա սցենարագրության վարպետության դաս։ Դասընթացի ընթացքում մասնակիցները կաշխատեն պատմության կառուցվածքի, կերպարների ու սյուժեի զարգացման, ինչպես նաև լոգլայնի և սինոփսիսի մշակման վրա։ Այնուհետեւ՝ սեպտեմբերի 9–12-ը, Թումո Դիլիջանի 11+1 ստեղծագործական միջավայրում կանցկացվի քառօրյա սցենարական ռիթրիթ։ Մասնակիցները հնարավորություն կունենան կենտրոնանալ իրենց նախագծերի վրա, զարգացնել դրանք և ստանալ անհատական մասնագիտական մենթորություն։

Հիշեցնենք, որ Նորա Արմանին Եվրոպական կինոակադեմիայի անդամ է եւ Նյու Յորքի Socially Relevant Film Festival-ի հիմնադիրն ու գեղարվեստական ղեկավարն է։ Նա արժանացել է բազմաթիվ մասնագիտական մրցանակների, այդ թվում՝ Հայաստանի կինոգործիչների միության պրոֆեսիոնալ գիլդիաների հատուկ դերասանական մրցանակին եւ վերջերս՝ «Արտավազդ» մրցանակին։

«Ես չեմ սովորեցնում մարդկանց, թե ինչպես գրեն սցենար։ Ես օգնում եմ նրանց գտնել այն պատմությունը, որը միայն իրենք կարող են պատմել», - ասում է Նորա Արմանին։

Այս թեմայով «Իզմիրլյան» բկ-ն շարունակում քայլել միջազգային չափանիշներին համահունչ Քաղաքապետարանը մերժել է Ապրիլյան պատերազմի 10 ամյակին նվիրված համերգ-հերոսապատման իրականացման համար անհատույց կերպով դահլիճ տրամադրել Բուռն ուսումնական տարի՝ Նորա Գրիգորյանի ընտանիքում Ահազանգ. Դատավոր Տաշչյանը առաջնային ժառանգներին զրկել է ժառանգությունից հայցվորի հետ փոխկապակցված անձանց վկայության հիման վրա «Մոնոկլ» 14-րդ միջազգային փառատոնն ազդարարվեց «ԱՐՄՄՈՆՈ»-յի «Բալերինա Վարեչկա» մոնոներկայացումով