Թուրք-հունական նոր լարվածություն

Թուրքիան 2026-ի օգոստոսի 15-ին հայտարարել էր, որ երկու ծովային ազգային պարկ է ստեղծում Արևելյան Միջերկրականում և Էգեյան ծովում։ Թուրքական մամուլը նշել է, որ այդ քայլն արվել է՝ ի պատասխան Հունաստանի կողմից ավելի վաղ հայտարարված ծովային պարկերի ստեղծման։ Նշվում է, որ Հունաստանը պատրաստվում է գործողություններ ձեռնարկել Անկարայի կողմից «Mavi Vatan» (Կապույտ հայրենիք) օրենքի ընդունումից հետո:

Հունական կողմն իր հերթին հայտնել է, որ քննարկման է դրվում Կրետեից հարավ գտնվող տարածքային ջրերը մինչև 12 ծովային մղոն երկարացնելու հնարավորությունը։ Հունական մամուլի պնդմամբ՝ Հունաստանի վարչապետ Կիրիակոս Միցոտակիսի կառավարությունը նախատեսում է արգելափակել Թուրքիայի և Եվրոպայի միջև նախատեսված վիզայի ազատականացման համաձայնագիրը և ռազմական համագործակցությունը։

Բացի այդ հունական կողմը նախատեսում է նաև սառեցնել երկկողմ հարաբերությունները, չեղարկել Նյու Յորքում հաջորդ ամիս կայանալիք ՄԱԿ-ի Գլխավոր ասամբլեայի շրջանակներում Էրդողան-Միցոտակիս հանդիպումը։ Ըստ թուրքական մամուլի՝ Հունաստանը հակաքայլ է անում ու թիրախը Թուրքիայի վիզային ազատականացման հարցն է։

Ermenihaber

Այս թեմայով Թուրքերից չեք տարբերվում, նրանք էլ էին նույնը ասում. Խաչատրյանը՝ Եղոյանին «Հրապարակ»․ Թուրք գործարարներին հրավիրել են ԵՄ-ի հաշվին Հայաստանցի երեխաները կշարունակեն հյուր-աշակերտի կարգավիճակով սովորել Թուրքիայի հայկական դպրոցներում Թուրք-իսրայելյան հարաբերությունները սկսում են ռազմականացվել Ուկրաինան հարձակվել է ղազախական նավթը տեղափոխող հունական տանկերի վրա