Կոնգրեսականին դատի են տվել երեխայի մերկ լուսանկարը հրապարակելու համար

ԱՄՆ-ում հերթական սկանդալը թափ է հավաքում․ Օհայոն ներկայացնող հանրապետական կոնգրեսական Մաքս Միլլերի նախկին կինը՝ Էմիլի Մորենոն, դատի է տվել քաղաքական գործչին՝ պնդելով, որ նրանց փոքր դստեր մերկ լուսանկարը հայտնվել է համացանցում։

Միջազգային մամուլի փոխանցմամբ՝ լուսանկարը տեղադրվել է այն փաստաթղթերի փաթեթում, որը Միլլերի թիմը հրապարակել էր՝ իր դեմ հնչող ընտանեկան բռնության մեղադրանքներին պատասխանելու համար։ Մորենոյի պնդմամբ՝ նյութերը շուրջ 23 ժամ հասանելի են եղել հանրությանը։

Միլլերի փաստաբանը ընդունել է, որ լուսանկարի հայտնվելը փաստաթղթերում սխալ է եղել՝ պնդելով, որ դա չկանխամտածված վրիպակի հետեւանք է։ Մորենոյի իրավաբանները, սակայն, կարծում են, որ խոսքը լուրջ իրավական պատասխանատվության ենթակա արարքի մասին է։

Այս պատմության ֆոնին ընտանեկան վեճը վերածվել է նաև քաղաքական սկանդալի․ կողմերը միմյանց մեղադրում են, իսկ դատարանն այժմ պետք է պարզի՝ արդյոք երեխայի մերկ լուսանկարի հրապարակումը պարզապես տեխնիկական սխալ էր, թե ավելի լուրջ իրավական հետևանքներ պետք է ունենա։

Ամերիկյան մամուլը դեպքը ներկայացնում է որպես հերթական օրինակ, թե ինչպես կարող է քաղաքական ու ընտանեկան կոնֆլիկտը հասնել այնպիսի սահմանների, որոնց արդյունքում տուժում է նույնիսկ այն երեխան, որը որևէ կապ չունի մեծահասակների վեճի հետ։

Այս թեմայով ԱՄՆ պետքարտուղարի խոսնակ Մեթյու Միլլերը խոսել է Հայաստանի նոր զիջումների մասին Ռուսաստանը կդառնա դեպի Չինաստան գազի խոշորագույն մատակարարը․ Միլլեր Շենգավիթում փոխհրաձգության արդյունքում տուժած «Մաքս»–ի սեփականատիրոջ որդուն փորձել են թաքցնել. նոր մանրամասներ «Մաքս գրուպի»–ի Խաչիկն առաջ է անցել Լյովա Խաչատրյանից