Արծվաշենի վերադարձի «կուտը» չի կարելի ուտել․ Շարմազանովը զգուշացնում է

ՀՀԿ խոսնակ Էդուարդ Շարմազանովը գրում է․ «Ասեց Արցախը Հայաստան է ու հանձնեց Արցախը, հիմա էլ Արծվաշենը մերն է ասելով, հանձնում է Տիգրանաշենը։

Տիգրանաշենը ՀՀ ինքնիշխան տարածքի անբաժան մասն է: Որեւէ իրավական հիմք մինչ օրս չի ներկայացվել, ըստ որի Տիգրանաշենը ՀՀ տարածք չէ։ 1991-ի դեկտեմբերի դրությամբ/ ԽՍՀՄ փլուզում/ Տիգրանաշենը Հայաստանի անբաժան մաս է եղել։ Այն ՀՀ անբաժան մասն է եղել նաեւ Երրորդ Հանրապետության ողջ ընթացքում։

Նշել եմ, որ Հանրապետական կուսակցության կառավարման շրջանում երբեւէ Տիգրանաշենի հարց չի քննարկվել։ ՀՀԿ նախագահ Սերժ Սարգսյանը հրապարակային նշել է, որ իր կառավարման շրջանում «անկլավների հարց առհասարակ չի եղել»։

Նոր բան են մտածել. Արծվաշենը՝ մեզ, Տիգրանաշենը՝ Ադրբեջանին։ Սա կատարյալ անհեթեթություն է։

Իհարկե, Արծվաշենը մեր հայրենիքն է, բայց եթե Արծվաշենի վերադարձի գինը Տիգրանաշենի հանձնումը պետք է լինի, ապա Տիգրանաշենն ու Արծվաշենը համարժեք չեն՝ իրենց ռազմավարական առումներով: Իհարկե, երկուսն էլ մեր հայրենիքն են, մենք ուզում ենք, որ մեր հայրենիքն ամբողջականացվի: Սակայն, եթե այդ գինը լինելու է Տիգրանաշենը, նշանակում է՝ Ադրբեջանն ուղիղ մխրճվում է Արարատի մարզ, ուղիղ վերահսկողություն է սահմանում ամբողջ մարզի նկատմամբ եւ հայ-իրանական միջպետական ճանապարհի վրա՝ Սյունիքը կտրելով Հայաստանի մյուս հատվածներից։

Արծվաշենի վերադարձի «կուտը» չի կարելի ուտել։ Վերադարձնո՞ղ են՝ թող վերադարձնեն ադրբեջանցիների կողմից օկուպացված 240 քառ կմ տարածքը»։

Այս թեմայով Նախկին ԱԽ քարտուղարը հրապարակ է նետել լկտի կեղծիք պարունակող ստեր Ապրիլյան պատերազմի մասի. Շարմազանով Ի՞նչ կլինի «թավշյա հեղափոխության արդյունքում»։ 14.11.2018. Շարմազանով ԵԱՏՄ անդամ են, բայց սիրտները ԵՄ է ուզում, իսկ ԵՄ-ում էլ մեզ սպասող չկա․ Շարմազանով Զավեշտալի է, երբ Արցախ հանձնողներին համոզում են «չդավաճանել» ՀԱՊԿ-ին ու ԵԱՏՄ -ին. Շարմազանով Հանրապետականը Եռատոնի խորհրդանիշ է, ՔՊ-ն ու ՀՀԿ-ից «թռածները»՝ պարտության ու ուրացման․ Շարմազանով