Ծեծկռտուք, հեռացումներ և տուգանք. Մեսսին պատժվել է ոչ մարզական պահվածքի համար

«Ինտեր Մայամիի» աստղային հարձակվող Լիոնել Մեսսին և պաշտպան Յան Ֆրեյը տուգանվել են MLS-ի կանոնավոր առաջնության «Ֆիլադելֆիա Յունիոնի» դեմ խաղում դրսևորած ոչ մարզական պահվածքի համար: Այս մասին հայտնում է ESPN-ը:

Օգոստոսի 19-ին կայացած հանդիպումն ավարտվել էր 2:2 հաշվով, իսկ արգենտինացին աչքի էր ընկել հենց Ֆրեյի փոխանցումից հետո: Սակայն, հանդիպման իրական կրքերը բորբոքվել էին խաղադաշտում տեղի ունեցած բախումների ժամանակ:

Տեսանյութը՝ ԱՅՍՏԵՂ

https://youtube.com/shorts/qHsX7hhSbyo?si=MVaIuqYlg4zS58Pz

Խաղից հետո համացանցում տարածված տեսանյութում երևում է, թե ինչպես է Մեսսին վիճաբանում «Ֆիլադելֆիայի» կիսապաշտպան Քուին Սալիվանի հետ և ափով հարվածում նրա գլխին: Դրանից հետո Սալիվանը բախվել էր նաև Ֆրեյի հետ, իսկ արդեն մրցավարի կողմից ավելացված ժամանակում Քուինի եղբայրն ու թիմակիցը՝ Քավան Սալիվանը, իսկական հրմշտոց էր հրահրել մայամցիների կիսապաշտպան Յանիկ Բրայթի հետ։ Այդ դրվագի արդյունքում երկու ֆուտբոլիստներն էլ հեռացվել էին խաղադաշտից։

Անկախ հանձնաժողովը, մանրամասն ուսումնասիրելով խաղի բոլոր սկանդալային դրվագները, միաձայն որոշել է չեղարկել Քավան Սալիվանի կարմիր քարտը, մինչդեռ Մեսսին և Ֆրեյը ենթարկվել են դրամական տույժի։ Տուգանքի ստույգ չափը չի հրապարակվում։

Հիշեցնենք, որ MLS-ի ընթացիկ մրցաշրջանում 39-ամյա Մեսսին մասնակցել է 17 հանդիպման՝ դառնալով 13 գոլի և 7 արդյունավետ փոխանցման հեղինակ։ Այս պահին նա «Ինտեր Մայամիի» լավագույն ռմբարկուն է:

Աղբյուրը՝ Armsport.am:

Այս թեմայով Պաշտոնական. Մեսսին ավարտում է կարիերան Արգենտինայի հավաքականում Ռոնալդուն ցավակցել է Մեսսիին հոր մահվան կապակցությամբ Մահացել է Լեո Մեսսի հայրը` Խորխե Մեսսին Մեսսին` Աշխարհի առաջնության լավագույն ֆուտբոլիստ Մեսսին խախտեց լռությունը․ արգենտինացին մեկնաբանեց եզրափակիչում Իսպանիայից կրած պարտությունը