Ռուսական «Մաշան և արջը» մուլտֆիլմի հեռարձակումը Ուկրաինայում կարգելվի

Վլադիմիր Զելենսկին պատժամիջոցներ է սահմանել ռուսական «Մաշան և արջը» մուլտսերիալի ստեղծողների նկատմամբ, որոնք արգելում են մուլտֆիլմի հեռարձակումը Ուկրաինայի տարածքում։ Այս մասին հայտնում է «ՌԻԱ Նովոստի»-ն:

«Զելենսկին ստորագրել է չորս հրամանագիր, որոնցով ուժի մեջ է դրել … որոշումը՝ Ռուսաստանի ռազմարդյունաբերական համալիրի ձեռնարկությունների, պատժամիջոցների տակ գտնվող «Ռուսալ» խմբի մեջ մտնող ընկերությունների, ռուս պաշտոնյաների, ինչպես նաև «Մաշան և արջը» մուլտսերիալի հեղինակների և դիստրիբյուտորների նկատմամբ պատժամիջոցներ կիրառելու վերաբերյալ», – ասվում է Զելենսկու գրասենյակի կայքում հրապարակված հաղորդագրության մեջ։

Պատժամիջոցների տակ է հայտնվել «Անիմակորդ» ստուդիան, որը, ըստ հաղորդագրության, մուլտսերիալի հեղինակն է, ինչպես նաև դրա հիմնադիրը, գլխավոր տնօրենը, սցենարի հեղինակը, ռեժիսորը, պրոդյուսերը և սերիալի համահեղինակը։ Նշվում է, որ որոշումներից մեկով պատժամիջոցներ են կիրառվել Ռուսաստանի 28 քաղաքացիների, ռուսական 36 և չինական մեկ ընկերության նկատմամբ։ Մեկ այլ որոշմամբ Ուկրաինան պատժամիջոցներ է կիրառել «Ռուսալ» խմբի հինգ ձեռնարկությունների և այդ ընկերությունների հետ կապված Ռուսաստանի ինը քաղաքացիների նկատմամբ։

Այս թեմայով ՇՏԱՊ. Արջը 30 մետր բարձրությունից ցած է գցել և սպանել կաթոլիկ սարկավագին Կրասնոյարսկի արգելոցից «մերկապարուհի» արջը դարձել է սոցիալական ցանցերի աստղ (Տեսանյութ) «Մաշան և արջը» մուլտսերիալը ներառվել է աշխարհում ամենասիրված մանկական շոուների լավագույն հնգյակում Միացյալ Նահանգներում անտառային հրդեհների դեմ պայքարող Սմոքի արջը կայցելի Հայաստան Արենի համայնքում արջը տան բակում ընտանի կենդանիների է վնասել