«Հրապարակ». Բարձր օղակներում քննարկվում են նաեւ Զարեհ Սինանյանի եւ Ծովինար Թադեւոսյանի պաշտոնանկության հարցերը

Մամուլի տեսություն 20 Օգոստոս, 2026 8:33

«Հրապարակ» թերթը գրում է. «Կառավարության բարձր օղակներում քննարկվում են նաեւ սփյուռքի հարցերով հանձնակատար Զարեհ Սինանյանի, Քրեակատարողական ծառայության պետ Ծովինար Թադեւոսյանի պաշտոնանկության հարցերը։

Սինանյանի պաշտոնի թեկնածուի անունն էլ է շրջանառվում․ նա հուլիսի 1-ին ԿԳՄՍ փոխնախարարի պաշտոնից ազատված սփյուռքահայ Դանիել Դանիելյանն է, որը ԿԳՄՍՆ-ում համակարգում էր մշակույթի ոլորտը։ Ինչ վերաբերում է ՔԿԾ պետ Ծովինար Թադեւոսյանին, որին հենց առաջին օրվանից համակարգը չընդունեց իր երիտասարդ տարիքի եւ սեռի պատճառով, քանի որ համակարգում հիմնականում տղամարդիկ են աշխատել՝ զինվորականներ, ճանապարհ անցած եւ կալանավայրերի բարդ համակարգից գլուխ հանող տարիքն առած մարդիկ։

Նրա աշխատանքից դժգոհություններն այնքան շատ են, որ դրանք հասել են ամենավերեւ, սակայն արդարադատության նախարար Սրբուհի Գալյանն ամեն գնով պահում է իր ընկերուհուն եւ անձամբ է խնդրել Նիկոլ Փաշինյանին՝ էլի շանս տալ նրան, ու առաջարկել է համակարգի հետ կապված քննարկում կազմակերպել վարչապետի մոտ, որտեղ իրենք կապացուցեն, որ, անկախ դժգոհություններից, իրականում Թադեւոսյանը լավ է աշխատում։ Ասում են՝ Փաշինյանը համաձայնել է քննարկման առաջարկին։

Ի դեպ, տիկնոջ պաշտոնանկության հարցում ամենաշահագրգիռը նրա տեղակալն է, որը պետի աթոռին նստելու հավակնություններ ունի։

Առավել մանրամասն թերթի այսօրվա համարում

Տե´ս նաեւ https://t.me/iravunk/71025

Այս թեմայով

Հայտնի իրավապաշտպանը հրատապ հայտարարությամբ է հանդես եկել

Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի

Իրանը կարո՞ղ է հարվածել նաեւ ԱՄՆ տարածքին

Երբ աթոռն ու շիշը ԱԺ-ում վերածվում են ԱԹՍ-ի․ ԶԱՐՄԱՆՔ

ՀՐԱՏԱՊ. պետական ինքնիշխանության հաշվին արված սխալի բեռը կարող է մնալ սերունդների ուսերին