Տիկնիզյանը Հունաստանում է, «Օլիմպիակոսին» միանալու համար

Հայաստանի ազգային հավաքականի և սերբական «Ցրվենա Զվեզդայի» պաշտպան Նաիր Տիկնիզյանն այսօր առավոտյան՝ ժամը 9-ի սահմաններում, Բելգրադից ժամանել է Աթենք՝ ավարտին հասցնելու հունական «Օլիմպիակոս» տեղափոխությունը: Այսօր՝ օգոստոսի 17-ին, 27-ամյա ֆուտբոլիստը կանցնի բուժզննում, կստորագրի պայմանագիր և կմասնակցի պաշտոնական ներկայացմանը։

Ինչպես հայտնում է հունական Protothema պարբերականը, տրանսֆերի արժեքը գերազանցելու է 5 միլիոն եվրոն: Հայ պաշտպանը կնքելու է «4+1» տարի ձևաչափով պայմանագիր և անմիջապես տեղափոխվելու է թիմի գլխավոր մարզիչ Խոսե Լուիս Մենդիլիբարի տրամադրության տակ:

Աղբյուրի փոխանցմամբ՝ «Օլիմպիակոսում» Տիկնիզյանը փոխարինելու է Ֆրանսիսկո Օրտեգային, որն արդեն տեղափոխվել է արգենտինական «Ռիվեր Փլեյթ»: Հատկանշական է, որ մինչ հունական ակումբի առաջարկն ընդունելը, հայ ֆուտբոլիստը մերժել էր Սանկտ Պետերբուրգի «Զենիթի» տարբերակը:

Այս թեմայով Այլ տարբերակներ ևս կային. Տիկնիզյանի գործակալը ֆուտբոլիստի տրանսֆերի մասին Հուսով եմ՝ սա Տիկնիզյանի կարիերայի վերջին բարձրակարգ թիմը չէ. Մելիքյան «Օլիմպիակոսի» մարզիչը հիացած է Տիկնիզյանի խաղով Որ խաղահամարի մարզաշապիկով հանդես կգա Տիկնիզյանը «Օլիմպիակոսում» Պաշտոնական. Տիկնիզյանը` «Օլիմպիակոսի» ֆուտբոլիստ. Որքան կվաստակի հայ ֆուտբոլիստը