Իրանում պատրաստվում են Ալի Խամենեի հուղարկավորության 40-րդ օրվան. արարողությունները կանցկացնի Մոջթաբա Խամենեին

Իրանում՝ Թեհրանում, Ղոմում և Մաշհադում, կանցկացվեն սգո միջոցառումներ՝ զոհված գերագույն առաջնորդ այաթոլլա Սեյեդ Ալի Խամենեի հուղարկավորության 40-րդ օրվա կապակցությամբ։ Հիշատակի արարողությունները կանցկացնի Իրանի նոր գերագույն առաջնորդ այաթոլլա Սեյեդ Մոջթաբա Հոսեյնի Խամենեին, հայտնում է Mehr-ը։

Առաջնորդի գրասենյակի հայտարարության համաձայն, Թեհրանում միջոցառումը կկայանա օգոստոսի 18-ին՝ 17:00-ից 19:00-ն, Իմամ Խոմեյնիի անվան Մեծ մզկիթում։ Օգոստոսի 19-ին, երեկոյան աղոթքից հետո, արարողությունը կանցկացվի Ղոմում՝ Հազրաթ Մասումեի սրբավայրում։ Օգոստոսի 20-ին, երեկոյան աղոթքից հետո, Իմամ Հասան Ասքարիի նահատակության տարելիցին համընթաց, հիշատակի արարողությունը կկայանա Մաշհադում՝ Իմամ Ռեզայի սրբավայրում։

Հայտարարության մեջ նշվում է, որ իրանցիների մասնակցությունը 40-րդ օրվա արարողություններին կլինի Իրանի իսլամական հեղափոխության նոր առաջնորդ այաթոլլա Մոջթաբա Խամենեի նկատմամբ նրանց հավատարմության և «իրանցի նահատակների ուղին շարունակելու հանձնառության» հաստատումը

Այս թեմայով Երդվում ենք, որ վրեժ կլուծենք այս երկու պատերազմների բոլոր նահատակների արյան համար․ Մոջթաբա Խամենեի Թրամփը պատրաստ է հանդիպել Իրանի գերագույն առաջնորդ Մոջտաբա Խամենեիի հետ Խամենեին հայտարարել է, որ Իրանը պատերազմ չի ցանկանում, բայց կպաշտպանի իր իրավունքները