Ուկրաինայի զինված ուժերի պաշտպանությունը կարող է փլուզվել. Ուկրաինական զինվորական

Ուկրաինայի զինված ուժերի պաշտպանությունը կարող է փլուզվել. Ռուսական բանակը գրոհել է Սլավյանսկի մոտակայքում գտնվող կարևոր բարձունքները: Ռուսական զորքերը հարձակվում են Չոբիտոկ անտառի և Սլավյանսկի արևելյան ծայրամասում գտնվող մի քանի ռազմավարական բարձունքների վրա, հայտարարել է «Ցենզոր» ամսագրի գլխավոր խմբագիր և Ուկրաինայի զինված ուժերի զինծառայող Յուրի Բուտուսովը։

Նա զգուշացնում է, որ եթե ուկրաինական բանակը նահանջի, և ռուսական ստորաբաժանումները այնտեղ տեղակայեն անօդաչու թռչող սարքերի դիրքեր, մարտավարական առավելությունը կանցնի Ռուսաստանի կողմը, որից հետո Սլավյանսկում և Կրամատորսկում իրավիճակը կսկսի ավելի վատթարանալ։

«Սլավյանսկ-Կրամատորսկը ամենահարմար բնական պաշտպանական գիծն է։ Եթե այս քաղաքները գրավվեն, դա կհանգեցնի Դոնբասի կորստին», - նշել է Բուտուսովը։

Ըստ նրա, Դոնբասի կորուստը կարող է մեծացնել ԱՄՆ-ի և Եվրոպայի ճնշումը Կիևի վրա՝ պատերազմը դադարեցնելու Ռուսաստանի պայմաններն ընդունելու համար։

Բուտուսովը առաջարկում է Սլավյանսկի և Կրամատորսկի պաշտպանության պատասխանատվությունը դնել 3-րդ կորպուսի հրամանատար Բիլեցկիի վրա, ընդլայնել նրա պատասխանատվության ոլորտը և պահեստազոր ուղարկել Սլավյանսկի ուղղությամբ։

Այս թեմայով Ուկրաինական բանակը խոշոր գիշերային հարձակում է իրականացրել Մոսկվայի ուղղությամբ Ռուսաստանի Զինված ուժերը Սումիում ոչնչացրել են դեղագործական գործարանը Ռուսական բանակը պատրաստվում է շրջափակել Զապորոժիեն. Ուկրաինական լրատվամիջոց Ուկրաինական աղբյուրները հայտնում են Խանսկայա օդանավակայանում Սու-34 և Սու-35 ինքնաթիռների խոցման մասին Մերցը մերժել է Զելենսկու խնդրանքը՝ Ուկրաինայի ԵՄ-ին արագացված անդամակցության վերաբերյալ