ՇՏԱՊ. ջրհորի ջուրը շարունակում է «եռալ» և բարձրանալ

Անբացատրելի երևույթ Հնդկաստանում․ Գուջարաթ նահանգում ջրհորի ջուրը շարունակում է «եռալ» և բարձրանալ։

Գուջարաթ նահանգի Մորբի քաղաքում իշխանություններն ու գիտնականները ուսումնասիրում են արտասովոր երևույթը։ Տեղական ֆերմաներից մեկում գտնվող մոտ 5,5 մետր խորությամբ ջրհորի ջուրը օգոստոսի 2-ից սկսել է ուժգին պղպջալ՝ առաջացնելով շարունակական ալիքներ և դուրս թափվելով ջրհորից՝ առանց տեսանելի արտաքին պատճառի։

 «Եռացող» ջրի տեսանյութերն արագ տարածվել են համացանցում՝ գրավելով բազմաթիվ հետաքրքրասերների ուշադրությունը և տեղի բնակիչների շրջանում մտահոգություն առաջացնելով հնարավոր սեյսմիկ ակտիվության վերաբերյալ։ Ի պատասխան՝ տեղական վարչակազմը դեպքի ուսումնասիրության համար ուղարկել է Սեյսմոլոգիական հետազոտությունների ինստիտուտի մասնագետների խումբ։

 Սեյսմոլոգներն արդեն բացառել են երկրաշարժի կամ տեկտոնական խզվածքի հետ կապված պատճառները։ Հիմնական վարկածի համաձայն՝ գետի վերին հոսանքներում տեղացած առատ անձրևները հանգեցրել են ստորերկրյա ջրերի մակարդակի արագ բարձրացման։ Դրա հետևանքով ապարների ծակոտիներում կուտակված օդը ճնշման տակ դուրս է մղվել՝ ջրհորի ներսում ստեղծելով ջրի «եռալու» տպավորություն։

Այս թեմայով Reuters. Ռուսաստանը և ԱՄՆ–ն քննարկել են հնարավոր համատեղ էներգետիկ նախագծերը Ռուսաստանը սկսել է օգտագործել «Գերան-5» հրթիռային անօդաչուի նոր տեսակ ՇՏԱՊ. Հայտնի իրավապաշպանը Իրանի դեսպանատան մոտ փակագծեր է բացում Յունիբանկը և Picsart Academy-ն երեխաների համար անցկացրին «Գիտելիքի օր» Հայաստանը առաջիկա ամիսներին կորոշի՝ ում հետ կառուցել նոր ատոմակայանը. Լիխաչով