Թուրքիայից, սննդամթերքի կոնտեյների մեջ թաքնվելով, Թրամփի փախուստի պատմույթունը ԱՄՆ նախագահին դարձրեց ծաղրի առարկա

The Washington Post-ը և The Wall Street Journal-ը նոր մանրամասներ են հայտնում Անկարայից Թրամփի փախուստի աղմուկ հանած պատմությանը:

Այս պատնությունը նորություն չէր. դեռ միջադեպի օրն էր հայտնի դարձել, որ վախենալով Իրանի հարձակումից, Թրամփին ժամանակից շուտ Թուրքիայից տարհանել էին ոչ թե նախագահական, այլ ուրիշ ինքնաթիռով: Ցնցող էին այդ օպերացիայի բացահայտված մանրամասները, երբ բացահայտվեց, որ Թրամփին նախագահական ինքնաթիռից այլ ինքնաթիռ էին տեղափոխել սննդամթերքի համար նախատեսված կոնտեյներով, ինչը ԱՄՆ նախագահին ծիծաղելի վիճակում է դնում: Առավել եւս, որ Իրանի հարձակումն այդպես էլ չեղավ:

Եվ ահա, նոր մանրամասներ ի հայտ եկան: Այն է` ամերիկյան հետախուզության պաշտոնյաները նախ կասկածանքով են վերաբերվել Թրամփի դեմ Իրանի կողմից մահափորձի սպառնալիքի վերաբերյալ Իսրայելի կողմից տրամադրված տեղեկատվությանը: 

Ըստ աղբյուրների, սպառնալիքը Իսրայելի կառավարությունը փոխանցել է ԿՀՎ-ին, սակայն վերլուծաբանները հետախուզական տվյալները հավաստի չեն համարել և իրենց կասկածանքը փոխանցել են Թրամփի վարչակազմի պաշտոնյաներին: Մի պաշտոնյա նկարագրել է հաղորդագրությունները որպես «գնահատված ցածր վստահությամբ» և ընդգծել է, որ տեղեկատվությունը «իսրայելական ծագում ունի, այլ ոչ թե ստեղծվել է ԱՄՆ-ի կողմից»: Վարչակազմի ներսում այս հանրային քննադատությունը նոր տարր է ավելացնում Սպիտակ տան կողմից նախագահի ինքնաթիռը փոխելու բարդ գործողություն իրականացնելու որոշման ըմբռնմանը։

Ավելին, ըստ The Wall Street Journal-ի, որոշ ամերիկացի պաշտոնյաներ ենթադրել են, որ Իսրայելի նախազգուշացումը նպատակ ուներ ոչ թե տեղեկացնել, այլ ավելի շատ ազդել նախագահի քաղաքականության որոշումների վրա տարածաշրջանում:

Չնայած կասկածամտությանը, Գաղտնի ծառայությունը և Սպիտակ տունը որոշեցին չդիմել որևէ ռիսկի և գործեցին չափազանց զգուշավորությունից ելնելով։ Ի վերջո, ԱՄՆ հետախուզական գործակալությունները նախաձեռնեցին գաղտնի գործողություն նախագահին տեղափոխելու համար. Թրամփը հրապարակավ նստեց Air Force One ինքնաթիռը, բայց գաղտնի դուրս եկավ ելքից՝ նստելով C-32A ռազմական տրանսպորտային ինքնաթիռ, որը թռավ Մեծ Բրիտանիա։

Ստացվում է, որ Նեթանյահուն, կամա թե ակամա, իր հետախուզության միջոցով Թրամփին դարձրեց ծաղրուծանակի օբյեկտ:

Ավելին, այս ֆոնին առաջ եկան այն համեմատությունը, թե ինչպես Իրանի նախկին գերագույն առաջնորդը, արհամարելով ամեն մի վտանգ, մնաց իր տանը, ենթարկվեց հարձակման եւ զոհվեց, բայց դրանով համախմբեց ողջ երկիրը թշնամու դեմ: Իսկ ահա Թրամփն այն ժամանակ, երբ որեւէ լուրջ ռիսկ չկար, փախավ սննդամթերքի կոնտեյների մեջ թաքնվելով: Ընդ որում, իր պաշտոնյաների մեծ մասին թողնելով նախագահական ինքնաթիռում, երը պետք է հարձակման ենթարկվեր:

Տե´ս նաեւ https://t.me/iravunk/70784 

Այս թեմայով Կոկոն արտահանձնվել է Հայաստանին Թրամփն ԱՄՆ նավթի ռեզերվային աննախադեպ ցածր ծավալի պաշարներից եւս 40 միլիոն բարել է վաճառում Ադրբեջանի ու ՀՀ-ի կիբեռանվտանգության մեջ «սարեր-ձորեր» կան. տվյալների բազան հարձակման թիրախ կդառնա Օդաչուների խցիկից ճիչեր են լսվել, երբ դուռը բացել են, ներսում ամեն ինչ արյան մեջ է եղել. մանրամասներ՝ Flydubai-ի միջադեպից «Իրավունք». Փնտրվում է Վայքի ՔՊ-ական թեկնածուի դեկանը