Լոնդոնում առգրավել են միլիոնավոր ֆունտ արժողությամբ սուպերմեքենաներ, որոնց թվում՝ 3,7 միլիոնանոց Ferrari

Լոնդոնի մայրաքաղաքային ոստիկանությունն, ըստ Independent-ի, Հայդ-պարկի, Քենսինգթոնի և Չելսիի շրջաններում ապահովագրություն չունեցող վարորդների, ինչպես նաև վտանգավոր և հասարակական կարգը խախտելու սիրահարների դեմ լայնածավալ շրջայցի ընթացքում առգրավել է ավելի քան 8 միլիոն ֆունտ ստեռլինգ արժողությամբ սուպերմեքենաներ։

Ուրբաթ՝ օգոստոսի 7-ից, մինչև կիրակի՝ օգոստոսի 9-ը, Սքոթլանդ Յարդի աշխատակիցները Ավտոտրանսպորտային ապահովագրության բյուրոյի (MIB) և Հատուկ կոնստեբլական ծառայության աջակցությամբ ընդհանուր առմամբ կանգնեցրել են 90 տրանսպորտային միջոց։

Առգրավված մեքենաների թվում եղել է 3,7 միլիոն ֆունտ ստեռլինգ արժողությամբ չափազանց հազվագյուտ Ferrari Monza SP2-ը, որը Մեծ Բրիտանիայում գտնվել էր ընդամենը մեկ օր։ Ղեկին եղել է միայն ուսանողական վարորդական իրավունք ունեցող վարորդ, որը մեքենան վարել էր կես ժամից էլ պակաս մինչև ոստիկանության կողմից կանգնեցվելը։ Այդ մոդելը ամբողջ աշխարհում թողարկվել է ընդամենը 499 օրինակով։

Նոր կանոնների շնորհիվ ոստիկանությունն այժմ կարող է ճանապարհին հակահասարակական վարքագծի համար անհապաղ առգրավել ավտոմեքենաները՝ չսահմանափակվելով նախազգուշացումներով։ Հանգստյան օրերին այս հոդվածով առգրավվել է 15 ավտոմեքենա։

«Մենք պարբերաբար լսում ենք տեղացիներից, որ նրանք արդեն կշտացել են վտանգավոր վարելուց և մեքենաների ձևափոխումներից, որոնք շրջապատի համար վերածվում են մղձավանջի։ Նման գործողություններով մենք ձերբակալում ենք խախտողներին և առգրավում նրանց ավտոմեքենաները՝ ճանապարհների անվտանգությունն ապահովելու և հստակ ուղերձ հղելու համար. մենք չենք հանդուրժի անխոհեմ վարքագիծը»,- հայտարարել է գործողությունը ղեկավարած հատուկ գլխավոր տեսուչ Ջեֆ Տատմանը։

Վեստմինստերի խորհրդի ղեկավարի տեղակալ Քերոլայն Սարջենթն ընդգծել է, որ քաղաքը չի ողջունում նրանց, ովքեր օրենքը համարում են չգրված, հատկապես ամառային սեզոնին, երբ աղմկոտ փողոցային մրցարշավորդները առավելագույն անհանգստություն են պատճառում բնակիչներին և բիզնեսին։

Այս թեմայով Զելենսկին ժամանել է Լոնդոն՝ բանակցություններ վարելու Ինչո՞ւ Թրամփի հատուկ բանագնաց Ուիտկոֆը և ԱՄՆ պետքարտուղար Ռուբիոն հրաժարվեցին թռչել Լոնդոն. Ուկրաինական աղբյուր Ինչից է վախենում Լոնդոնը Մոսկվայի և Վաշինգտոնի հարաբերություններում․ Ռուսաստանի հետախուզություն Այսպիսով, հանրագումարում ինչ տվեց Զելենսկուն Վաշինգտոն եւ Լոնդոն այցը Զելենսկին նախատեսվածից շուտ է հեռանում ԱՄՆ-ից` թռչելով Լոնդոն