Daft Punk-ի անդամը «Նռան գույնը» անվանել է երբևէ նկարահանված ամենագեղեցիկ ֆիլմը

Ֆրանսիական Daft Punk էլեկտրոնային երաժշտական դուետի անդամ Թոմաս Բանգալտերը Սերգեյ Փարաջանովի «Նռան գույնը» անվանել է «երբևէ նկարահանված ամենագեղեցիկ ֆիլմը»: Criterion Closet այցելության ժամանակ Բանգալտերը հայ բանաստեղծ և աշուղ Սայաթ-Նովայի կյանքի մասին պատմող 1969 թվականի ֆիլմը ներառել է իր վրա ամենամեծ ազդեցություն թողած ութ ֆիլմերի շարքում: «Սա աչքերի համար երաժշտություն է: Յուրաքանչյուր կադր բանաստեղծություն է:

Փարաջանովը հանճար է: Սա իսկական գլուխգործոց է», - ասել է երաժիշտը: «Նռան գույնը» գործնականում զուրկ է երկխոսություններից. Փարաջանովը Սայաթ-Նովայի պատմությունը փոխանցել է տեսողական կոմպոզիցիայի, գույնի և խորհրդանիշների միջոցով: Ֆիլմը գրաքննության է ենթարկվել խորհրդային ժամանակաշրջանում: Ավելի ուշ այն վերականգնվել է Մարտին Սկորսեզեի կինոհիմնադրամի աջակցությամբ և Criterion հավաքածուի մաս է կազմում:

Այս թեմայով Ես Սերգեյ Փարաջանովն եմ․ միստիկ նշան, որը փոխեց դերասանի կյանքը Գլոբալիստները կրկին զգուշացնում են. մոդեռն մարգարեություն «Նռան գույնով» Հայաստանի տարբեր թանգարաններից և մասնավոր հավաքածուներից կշեռքներ կցուցադրվեն Ռուսական արվեստի թանգարանում 20-րդ դարի մեծագույն ռեժիսորը 21-րդ դարում նորաձեւություն է թելադրում «Փարաջանով 100» հավաքածուն զարմացրել է իտալացի հանդիսատեսին, հերթը հայ հանդիսատեսինն է