Ռուբեն Վարդանյանի կնոջ հետ հանդիպումը կկազմակերպի ԱԳՆ-ն․ ԶԼՄ

ՀՀ կառավարությունը պատրաստակամություն է հայտնել Արտաքին գործերի նախարարության (ԱԳՆ) միջոցով հանդիպում կազմակերպել Բաքվում ապօրինի պահվող Ռուբեն Վարդանյանի կնոջ՝ Վերոնիկա Զոնաբենդի հետ, գործադիրից հայտնել են News.am-ի հարցմանն ի պատասխան։ Կառավարությունից տեղեկացրել են, որ արդեն կապ են հաստատել Զոնաբենդի հետ և փոխանցել ԱԳՆ համապատասխան պաշտոնատար անձի կոնտակտային տվյալները՝ նրան հարմար ժամանակ հանդիպումը կազմակերպելու համար։

«Հաշվի առնելով հարցի զգայունությունը, Կառավարությունը պատրաստակամություն է հայտնել պատասխանատու գերատեսչության միջոցով հանդիպում կազմակերպել տիկին Զոնաբենդի հետ՝ հասցեագրելու բարձրացված հարցերը, ինչպես նաև ներկայացնելու Ադրբեջանի Հանրապետությունում անազատության մեջ պահվող մեր հայրենակիցների վերադարձի, նրանց իրավունքների պաշտպանության ուղղությամբ իրականացվող քայլերն ու գործողությունները»,- նշված է գործադիրի պատասխանում։

Հարցման անհրաժեշտությունը առաջացել էր Վերոնիկա Զոնաբենդի նախաձեռնությունից հետո: Հուլիսի 8-ին Զոնաբենդը բաց նամակով դիմել էր ՀՀ վարչապետ Նիկոլ Փաշինյանին՝ տեղեկացնելով կանանց միջազգային մարդասիրական պատվիրակության կազմում Բաքու մեկնելու իր մտադրության մասին։ Պաշտոնական տվյալներով՝ Ադրբեջանում շարունակում է պահվել 19 հայ գերի։

Արցախի նախկին ռազմաքաղաքական ղեկավարությունը Բաքվում դատապարտվել էր երկարամյա ազատազրկման՝ 20 տարուց մինչև ցմահ։ Ադրբեջանի նախագահ Իլհամ Ալիևն ավելի վաղ բացառել էր գերիների վաղաժամ ազատ արձակումը։ 2025 թվականի սեպտեմբերից Կարմիր խաչի միջազգային կոմիտեի գրասենյակի փակվելուց հետո միջազգային ոչ մի կառույց չի այցելել հայ գերիներին։

Այս թեմայով Բրյուսել է՛լ կգնանք, Ստամբուլ է՛լ, Մոսկվա է՛լ, ՀՀ արտաքին քաղաքականությունը չի լինի թույլտվությամբ․ Ռուբինյան Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս Սևանում ապամոնտաժվել է Ռուբեն Հայրապետյանի առանձնատան՝ ապօրինի կառուցված պարիսպը․ . factor.am Ապրում ենք մի ժամանակի մեջ, երբ շատ արժեքներ սակարկության առարկա են․ Ռուբեն Սրբազան Ռուբեն Վարդանյանի կնոջը սպառնում են ձերբակալել, եթե նա այցելի Բաքու