Սա էլ ձեր համար մարտի 8-ը կամ «Սբխեչ»-ը չէ․․․

Կրկին ականատես եղանք տեսարանի, երբ արտադրողներն ու վաճառողները նախընտրում են ապրանքը ոչնչացնել կամ թափել, քան իջեցնել դրա գինը։ Դա արվում է շուկայում գները բարձր պահելու եւ արժեզրկումից խուսափելու համար: Կասեք հասկանալի է՝ մարդիկ ներդրում են կատարել եւ այլն...

Բայց, այստեղ հարցը առավել քան առեւտրային է: Շատ առեւտրականներ նախընտրում են իրենց բերքը ապրանքը ոչնչացնել, սակայն ոչ մի գնով չէժանացնել: Օրինակները բազում են: Տարիներ առաջ ականատես եղանք, թե ինչպես են կարտոֆիլը տոննաներով թափում, նույնը եղավ խաղողի եւ վարուգի հետ: Հերթը այս տարի հասավ ծաղիկներին:

Քանի որ, բոլորիս համար պարզ եւ երբեմն անընդունելի պպատճառներով հայ արտադրողը չկարողացավ իր արտադրանքը արտահանել Ռուսաստան՝ ճանապարհները փակ լինելու պատճառով, արդյունքում տուժեց հայ արտադրողը: Որոշ արտադրողներ նախընտրում են գնի կտրուկ իջեցում, որպեսզի գոնե եղած գումարը հետ բերեն, սակայն գտնվել են որոշներ, որոնք նախընտրում են թափել, սակայն գինը չիջեցնել:

Նկար, որը համացանցում ունեցել է տարածում, բուռն քննարկման տեղիք է տվել։ Հասարակությյան մի մասը համարում է նորմալ, մյուս մասը՝ անհասկանալի, քանի որ թափելը, այնուհանդերձ, լուծում չէ:

Ակամայից հիշեցինք նախորդ տարիների դաժան փորձը, երբ գյուղացին կամ արտադրողը նախընտրում էր միրգն ու բանջարեղենը թափել: Ցավոք, նաեւ հիշեցինք, թե ինչպես էր 44-օրյա պատերազմի ընթացքում թանկացել ծաղիկն ու ծաղկեպսակը: Բարեբախտաբար, այդ շրջանում նաեւ գտնվեցին բարեխիղճ վաճառականներ, բայց...

Մնում է հասկանալ, որ «скупой платит дважды», սա էլ ձեր համար մարտի 8-ը եւ «Սբխեչ»-ը չէ, որ ծաղիկների գները բարձրացնեք հասցնեք անսահմանություն կամ, ինչու ոչ ,Սուրբ Զատիկը, որ ձվերի հատը դառնա անհասկանալի գնի:

ՆԱՆԱ ՍԱՐԳՍՅԱՆ

Այս թեմայով Մնում է ասել՝ սա էլ կերաք, բա հետո՞... «Հրապարակ». Իշխանություններն արդեն ծաղիկ աճեցնողներին են սպառնում Նախատեսվում է, որ 10,000 ծաղկից բաղկացած խմբաքանակը վաղը կհասնի Լատվիա. Ուրսուլա ֆոն դեր Լայեն 10 ծաղիկ, որոնք չպետք է նվիրել սիրելիներին Ճի՞շտ է, որ Ծաղիկ տոտան (այդպես եք դիմել Մկրտիչ Սրբազանի մորը, որ Վեհափառի հարազատ քույրն է) Ձեզ համար երկրորդ մայր է եղել