Ո՞ւր է կորել 2016-ին Բաքու փախած Սյուզան Ջաղինյանը

Թեմա 5 Օգոստոս, 2026 19:20

«Սյուզան Ջաղինյան անունով մարդուն հիշո՞ւմ եք։ Ոչ ադեկվատ մի կին էր, դատվածությամբ ու սկանդալային հայտարարություններով, իսկ 2016-ին փախել էր Բաքու և այնտեղից Հայաստանի ու հայերի դեմ հարցազրույցներ էր տալիս, հոդվածներ գրում։ Մի պահ նույնիսկ հայտարարեցին, թե տխրահռչակ Haqqin.az քարոզչական կայքում գործի են ընդունել։

Վերջին հարցազրույցը ադրբեջանական լրատվամիջոցի, որ կարողացա գտնել, 2018-ի մարտին էր։ Հետո կորավ, ձեն-ձուն չկար։ Ինչը տարօրինակ է. տեսականորեն պիտի որ իրեն լավ էլ օգտագործեին թե՛ պատերազմի ընթացքում, թե՛ պատերազմից հետո։ Չի կարելի բացառել, որ գլուխը կերել են։

Սյուզանի այս լուսանկարները 2016 թվականի դեկտեմբերին են արված, Haqqin.az-ի խմբագրությունում, ընդ որում` ակնհայտ է, որ բեմադրված ֆոտո է, աշխատասեղանը դատարակ է, վրան ո՛չ նոթերով թղթեր կան, ո՛չ գրիչներ, ո՛չ ականջակալ։

Հ.Գ. - Այնպես չէ, որ դավաճանի ճակատագիրը ինձ շատ է հետաքրքրում, բայց դե հայկական ազգանունով մարդը եթե Բաքվում կորում է, ամեն դեպքում՝ արժի իմանալ, թե ուր է կորել», - գրել է ռազմական փորձագետ ԿԱՐԵՆ ՎՐԹԱՆԵՍՅԱՆԸ։

Այս թեմայով

Բաքուն մեղադրում է Անկարային իր դեմ սոցցանցային արշավ իրականացնելու մեջ

ԱՀԾ ղեկավար Քրիստիննե Գրիգորյանը մեկնել է Ադրբեջան՝ մասնակցելու Բաքվի անվտանգության 4-րդ ֆորումին

Խաղաղության գործընթացն ավարտին հասցնելու համար Հայաստանը պետք է նոր Սահմանադրություն ընդունի. Բաքու

Բաքվի՝ «Արևմտյան Ադրբեջան» խոսույթը որոշակի նպատակով է ստեղծել, բայց պետք չէ հիմա դա քննարկել

Հունահռոմեական ոճի ըմբշամարտի Հայաստանի Մ-17 տարեկանների հավաքականը ժամանել է Բաքու