Կոնգոյում էբոլայի հետևանքով մահացածների թիվը գերազանցել է 1600-ը

Կոնգոյի Դեմոկրատական Հանրապետությունում Էբոլա վիրուսով վարակվելու հետևանքով մահացածների թիվը գերազանցել է 1600-ը։ Այս մասին հայտարարել է Առողջապահության համաշխարհային կազմակերպության պաշտոնական ներկայացուցիչ Տարիկ Յաշարևիչը։

«Օգոստոսի 1-ի դրությամբ գրանցվել է 3748 հաստատված դեպք, որոնցից 1657-ը՝ մահվան հաստատված դեպքեր են»,-ասել է նա՝ Ժնևում կայացած ճեպազրույցի ընթացքում։

Նրա խոսքով՝ համաճարակը «շարունակում է տարածվել՝ գերազանցելով արձագանքման հնարավորությունները»։

«Մեզ անհրաժեշտ է լրացուցիչ աջակցություն ոչ միայն ֆինանսական առումով, այլև այլ ռեսուրսների տեսքով՝ բոլոր ուղղություններով արձագանքման միջոցառումները ընդլայնելու համար»,-հավելել է նա՝ նշելով, որ խոսքը վերաբերում է բուժհաստատությունների հզորությունների ավելացմանը, դաշտային հետազոտողների խմբերին, մահացածների անվտանգ հուղարկավորումն ապահովող բրիգադներին և տեղում աշխատող մասնագետներին։

Այս թեմայով Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Մահացածների կուտակային կենսաթոշակային գումարները փոխանցվում են պետբյուջե․ ժառանգները տեղյակ չեն. «Հետք» Հորդառատ անձրևի հետևանքով Երևանում և Կոտայքում ջրալցումներ են եղել․ հեռացվել է մոտ 27 տոննա ջուր Ուրա՞ էնտեղ ընդդիմություն՝ ծաղրածուներ են, որոնք եկել են մարդկանց ուրախացնելու քաղաքական թիվ մեկ ամբիոնից․ Գագիկ Մելքոնյան 13 թիվը, սև կատուներն ու հայելիները․ ինչու ենք վախենում սնահավատությունից