Եթե Փեզեշկիանն ուզում է հրաժարական տալ, թող տա, կընդունենք. Մոջթաբա Խամենեիի խոսնակ

Կրկին ակտիվացրել են լուրերը, որ Իրանի նախագահ Փեզեշկիանը կարող է հրաժարական տալ, եթե նրան Իրանի գերագույն իշխանությունները թույլ չտան ԱՄՆ-ի հետ հասնել բանակցային լուծումների:

Բայց ահա, Իրանի նախագահի աշխատակազմը մի քանի օր շարունակվող նման համառ լուրերից հետո, վերջապես հրապարակավ անդրադարձավ դրանց` հայտարարելով, թե նախագահի հնարավոր հրաժարականի մասին տեղեկությունները «լիակատար ստեր և հորինվածքներ» են։

Չնայած դրան, ԻՊՀԿ-ին մոտ կանգնած միանգամայն տեղյակ աղբյուրը հայտնում է, որ ինչպես անցած բանակցային փուլում, հիմա եւս նախագահ Փեզեշկիանը փորձում է ճնշել Գերագույն առաջնորդի վրա, որ եթե իրեն թույլ չտան մտնել բանակցային գործընթաց, ապա հրաժարական կտա:

Բայց ահա այդ ֆոնին հնչեց Այաթոլլահ Բաղեր Խարազի` Մոջթաբա Խամենեիի խոսնակի հրապարակային հայտարարությունը.

«Եթե պարոն Փեզեշկիանը կրկին հրաժարական տա, այն կընդունվի։ Սա պաշտոնապես հայտարարվել է։ Հիմա նա չի համարձակվի կրկին հրաժարական տալ, քանի որ այն կընդունվի, և նա կփոխարինվի։ Պարոն Մոհսեն Ռեզային իրավունք չունի որևէ պարագայում միջամտել բանակցություններին...»։

Եվ ահա, ԻՊՀԿ-ին մոտ կանգնած աղբյուրը մեկնաբանում է. «Այսպիսով, ռեֆորմիստական ուժերը կանգնեցին փաստի առաջ: Շանտաժային մեխանիզմով` նախագահի հրաժարականի սպառնալիքով նրանք պատերազմի ժամանակ, երբ ԱՄՆ/Իսրայելը հայտնվել էին ճգնաժամային վիճակում, կարողացան Իրանին ներքաշել բանակցային ծուղակի մեջ: Հետո հաջորդեց ԱՄՆ-ի ուժերի համալրումը եւ նոր հարձակումը: Դրանից հետո ռեֆորմիստները, եթե իրականում էլ մտածում էին իրանական ժողովրդի մասին, պետք է, որ անգամ բերանները չբացեին, քանի որ նրանց բանակցային այդ կուրսը լիովին ձախողվեց, եւ ի վնաս Իրանին: Բայց ահա, հիմա փորձում են նոր խաղը ձեռնարկել: Միայն թե այս դեպքում նույն խաղը չի աշխատում. Գերագույնը հրապարակավ հաստատեց` եթե Փեզեշկիանն ուզում է հրաժարական տալ, թող տա, կընդունենք: Եվ հիմա ռեֆորմիստներին մնում է այդ տակտիկայից հրաժարվել` հայտարարելով, թե իբր նախագահի մտքով անգամ չի անցել հրաժարական տալ: Հասկանալի է, պետք է այդ պաշտոնը, որը ձեռք բերեցին երջանկահիշատակ նախկին նախագահի սպանության միջոցով, պահել` նոր միջոցներով իրենց դավաճանական նպատակներին հասնելու համար: Բայց վստահ ենք, որ Գերագույն առաջնորդը եւ ԻՀՊԿ-ն այդ ամենին արդեն քաջ տիրապետում են եւ նոր ավանտյուրաները կկանխվեն»:

Տե´ս նաեւ https://t.me/iravunk/70405 

Այս թեմայով Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ Այո՛, պաշտոնյան գրիչ էլ պիտի նվեր չստանա, իրեն պետք է, թող գնա, առնի, սա է ճիշտը. Փաշինյան ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Եթե Ռուսաստանը հարձակվի մեզ վրա, մենք բավականին արագ կհաղթենք. Լեհաստանի արտգործնախարար Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել