Ծնվել է Վահագ Ռաշի երրորդ որդին

Վահագ Ռաշի ընտանիքը համալրվել է՝ ծնվել է նրա երրորդ որդին՝ Արամը։

Երգիչը պատմել է, որ ընտանիքի համար սա առանձնահատուկ և երջանիկ շրջան է, իսկ որդու ծնունդը դարձել է այն գեղեցիկ պահը, որին նա երկար էր սպասում նաև ստեղծագործական առումով։

 Վահագ Ռաշը հայտնել է, որ առաջիկա օրերին կներկայացնի իր վաղուց պատրաստված օրորոցային երգը, որի հրապարակումը միտումնավոր հետաձգել էր մինչև որդու ծնունդը։

«Այս երգն արդեն պատրաստ էր, պարզապես ուզում էի, որ այն լույս աշխարհ գար իմ որդու հետ միասին։ Դա ինձ համար խորհրդանշական և շատ անձնական որոշում էր»,– նշել է երգիչը։

Օրորոցայինը Վահագ Ռաշը կկատարի սիրված երգչուհի Լիանա Գրիգորյանի հետ դուետով։ Երգիչը վստահ է, որ ստեղծագործությունը կսիրվի ոչ միայն հայ ընտանիքների, այլև աշխարհի տարբեր երկրների ունկնդիրների կողմից։ «Ինչո՞ւ միայն հայ մանուկների համար։ Երեխաները սահմաններ ու ազգություն չունեն։

Եթե այս երգը կարողանա խաղաղությամբ քնեցնել աշխարհի ցանկացած փոքրիկի, ես ինձ երջանիկ կհամարեմ»,– ասում է Վահագ Ռաշը։ Երգի պրեմիերան նախատեսվում է առաջիկա օրերին՝ Վահագ Ռաշի պաշտոնական YouTube-յան ալիքում և մյուս երաժշտական հարթակներում։

Այս թեմայով Պետք չէ ամաչել հայկական լինելուց. ինչու ձախողվեց Սիմոնը «Եվրատեսիլ»-ում, ըստ Վահագ Ռաշի Վահագ Ռաշը նոր երգով՝ Սահյանի ծննդյան օրը Մի՛ խառնեք մեզ. Վահագ Ռաշը եւ Արմեն Դոլինյանը հանդես են եկել զուգերգով Հրաշքը մոտ է. Վահագ Ռաշը հանդես է եկել որդու հետ զուգերգով Կյանք. Վահագ Ռաշի նոր երգը