Փաշինյանին առաջարկել են առաջինը ստորագրել․ «Եվրասիական ալյանսի» ստորագրահավաքը մեկնարկեց

Այսօր «Եվրասիական ալյանս» քաղաքացիական նախաձեռնության ներկայացուցիչները՝  փաստաբան Էմիլ Մարկոսյանի գլխավորությամբ, ՀՀ կառավարությանն է փոխանցել համապետական ստորագրահավաքի առաջին թերթիկը՝ ակնկալելով, որ Նիկոլ Փաշինյանը կլինի առաջին քաղաքացին, ով կդնի իր ստորագրությունը։

Նախաձեռնության հեղինակները հիշեցնում են, որ թեեւ 2025 թվականին Ազգային ժողովն ընդունել է «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» քաղաքական հայտարարությունը, Նիկոլ Փաշինյանը բազմիցս հայտարարել է, որ Հայաստանը շահագրգռված է շարունակել անդամակցությունը Եվրասիական տնտեսական միությանը եւ այս պահին չի տեսնում ԵԱՏՄ-ից դուրս գալու կամ այդ հարցով հանրաքվե անցկացնելու անհրաժեշտություն։

«Եվրասիական ալյանս»-ի նախաձեռնած ստորագրահավաքի նպատակն է հանրաքվեի միջոցով Սահմանադրությունում ամրագրել միջազգային պայմանագրերի անձեռնմխելիությունն ու բացառել առանց ժողովրդի կամարտահայտության այնպիսի նոր պարտավորությունների ստանձնումը, որոնք, նախաձեռնողների գնահատմամբ, կարող են հակասել Հայաստանի քաղաքացիների շահերին։ Նրանց համոզմամբ՝ Նիկոլ Փաշինյանի կողմից առաջին ստորագրությունը դնելը կդառնա իշխանության հայտարարությունների եւ գործնական քայլերի համահունչ լինելու ցուցիչը։

ՀՐԱՆՏ ՍԱՐԱՖՅԱՆ

Այս թեմայով Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Իրավունք». «Որ խելքներդ չի հասնում, ծպտուն մի հանեք». Փաշինյանն օդերով է հանել նորելուկ պատգամավորներին Հայկ Սարգսյանի համար Փաշինյանի մոտ բարեխոսել ե՞ն․ ԲԱՄԲԱՍԱՆՔ Քոչարյանը՝ Փաշինյանին ձեռքով կանչելու մասին․ «էնքան ասեց՝ կոշիկդ հանելու եմ, ասեցի՝ արի, հանի»