ՔՊ-ն եւ անձամբ Փաշինյանը ծանր են տարել Կաթողիկոսի կողմից ընդդիմադիր խմբակցություններին ընդունելն ու օրհնելը

Ինչպես մեզ պատմեց ՔՊ-ին մոտ կանգնած աղբյուրը, ինչպես ինշող կուսակցությունը, այնպես էլ` անձամբ Նիկոլ Փաշինյանը ծանր են ընդունել Ամենայն Հայոց Կաթողիկոսի կողմից ընդդիմադիր խմբակցություններին ընդունելն ու օրհնելը:

«Նման տարբերակի մասին, իհարկե, իշխանությունները մտածում էին, երբ ԱԺ առաջին նիստին չհրավիրեցին Վեհափառին: Բայց այլ տարբերակ էլ չունեին»,- պատմեց աղբյուրը:

«Այլ հոգեւորականի, ասենք` Արարատյան թեմի առաջնորդին հրավիրալու տարբերակ, իհարկե, կար: Բայց նախ, օրենքի պահանջը եւ ավանդական կարգը նախատեսում էր հենց Կաթողիկոսի այցը: Բացի այդ, կար տեղեկություն, որ այլ հոգեւորականի այցի դեպքում ընդդիմադիրները դուրս կգային դահլիճից: Իսկ Վեհափառին հրավիրելը, երբ Փաշինյանն ասում է, թե նրան չի ընդունում, կնշանակեր պարտության ընդունում: Ստիպված էին համակերպվել այն տարբերակի հետ, որը եղավ: Սակայն միայն վերջում հասկացան, որ դա վատթարագույնն է: Բանն այն է որ կանգնել են նման փաստի առաջ. հիմա ընդդիմադիրներն ունեն Հայ եկեղեցու օծումը, իշխանական խմբակցությունը` ոչ: Ու ինչքան էլ, որ փորձեն այդ իրողությունն անտեսել, մեկ է, հասկանում են, որ չօծված լինելն իր խորը հետքն է թողնելու ինչպես իրենց ներքին մթնոլորտի, այնպես էլ` հանրության տրամադրությունների վրա: Փաշինյանն էլ, հասկացավ, որ այդպիսով դառնում է հայաստանյան այն առաջին ղեկավարը, որը ստիպված է աթոռ զբաղեցնել առանց Հայոց Եկեղեցու օրհնության»,- պատմեց մեր զրուցակիցը:

«Ու հիմա հասկացել են, որ ավելի լավ տարբերակ կլիներ Կաթողիկոսին հրավիրելը: Եթե նա որոշեր գալ, կձեւացնեին, թե ընդամենը օրենքի «չոր պահանջ» էր. կատարեցին: Դա նաեւ Փաշինյանի «մոծահոգի լինելու» թեմայով քարոզ կդարձնեին, թե ինչքան է «հարգում» օրենքը, որ անգամ նման իրավիճակում օրենքի պահանջից չշեղվեց: Եթե կաթողիկոսը չգար, ապա դա արդեն իրենց մեղավորությունը չէր լինի»,- ավարտեց աղբյուրը:

Տե´ս նաեւ https://t.me/iravunk/70336 

Այս թեմայով «Իրավունք». Ով է ստում․ Ավինյանը, թե՞ Փաշինյանը «Փաստ». Քաղաքական վերակազմավորումներ և ընդդիմադիր ցուցանիշներ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով «Ժողովուրդ». Փաշինյանը մեկնելու է Գերմանիա Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել