«Թատերական Լոռի»-ն այս տարի նվիրվում է Թբիլիսիի հայկական թատրոնի 170-ամյակին

Սեպտեմբերի 25-ին հանդիսավորությամբ կմեկնարկի Հայաստանում գործող ամենահնամյա «Թատերական Լոռի» 32-րդ միջազգային փառատոնը, որին կմասնակցեն ավելի քան 20 թատրոն Հայաստանից, Վրաստանից, Ռուսաստանի Դաշնությունից, Ուզբեկստանից, Իրանից, Սերբիայից, Մոսկվայից։ Փառատոնն անց է կացվելու Լոռու մարզի երկու քաղաքում։

«Թատերական Լոռի» փառատոնը հիմնադրվել է 1979 թվականին և երկար ճանապարհ է անցել, ենթարկվելով փոփոխությունների։ Հիմնադրվելով որպես տարածաշրջանային փառատոն, այն սկզբում վերածվել է մարզային, ապա հանրապետականի, իսկ 2012 թվականից վերածվել է միջազգայինի, որի ծրագրով հանդես են եկել թատերախմբեր Իրանից, Եգիպտոսից, Ճապոնիայից, Լեհաստանից, Ֆրանսիայից, Վրաստանից, Բելառուսից ու Ռուսաստանի Դաշնության տարբեր քաղաքներից։ 2012 թվականից փառատոնի շրջանակում անց է կացվում «Ռուսական թատրոնի օրեր» ծրագիրը, որին մասնակցել են ռուսական թատրոններ Երևանից, Ռուսաստանի Դաշնությունից՝ Մոսկվա, Վլադիկավկազ, Վոլգոգրադ, Մոսկվա, Չելյաբինսկ, Մագնիտոգորսկ, Թբիլիսի քաղաքներից, Բելառուսից, Ֆրանսիայից և այլն։

Փառատոնի ծրագրով հանդես կգան Երևանի Հակոբ Պարոնյանի անվան կոմեդիայի, Կամերային, Ստանիսլավսկու անվան ռուսական, Հրաչյա Ղափլանյանի անվան դրամատիկական, Թբիլիսիի Պետրոս Ադամյանի անվան, Երևանի Մնջախաղի, «Մալյան», «Կայարան», Վանաձորի Աբելյանի անվան, «Մետրո» թատրոնները, նորաստեղծ  «Հայ և ռուս արդի դրամայի»,  Հրազդանի և Գյումրու, Վանաձորի տիկնիկային և այլ թատրոններ։

Փառատոնն այս տարի նվիրվում է Թբիլիսիի Պետրոս Ադամյանի անվան պետական հայկական թատրոնի 170-ամյակին։

Այս թեմայով Սեպտեմբերի 19-ին ի՞նչ «տոն» Խորովածը շատ լավ բան է, երբ ռեստորանում է, ոչ թե Ազնավուրի շուրջ «ԹԷԱՏՐՈՆ» փառատոնը պաշտոնապես կբացվի աշխարհահռչակ Մուրադ Մերզուկիի «ՖՈԼԻԱ» ներկայացմամբ Երևանում կներկայացվի Ամալիա Սալի «Քանի չեմ մոռացել» պարային ներկայացումը Երևանում կանցկացվի «Անցյալի ապագա» միջազգային էթնո-նորաձևության փառատոնը