Տարվա հարսանիք. Նոր մանրամասներ Ռոնալդուի և Ռոդրիգեսի հարսանեկան արարողությունից

Պորտուգալիայի ազգային հավաքականի և Սաուդյան Արաբիայի «Ալ-Նասրի» աստղային հարձակվող Կրիշտիանու Ռոնալդուն և նրա հարսնացուն՝ մոդել Ջորջինա Ռոդրիգեսը կօրինականացնեն իրենց հարաբերությունները։

Ինչպես հայտնում է բրիտանական հեղինակավոր Daily Mail պարբերականը, զույգի հարսանյաց շքեղ արարողությունը կկայանա արդեն առաջիկա հանգստյան օրերին՝ Ռոնալդուի հայրենի Մադեյրա կղզում։

Աղբյուրի փոխանցմամբ՝ պսակադրության պաշտոնական արարողությունը տեղի է ունենալու Ֆունշալ քաղաքի Մայր տաճարում, որից հետո նորապսակներն իրենց հյուրերի հետ կտեղափոխվեն հնգաստղանի հյուրանոց՝ տոնելու այս կարևոր իրադարձությունը։

Միջոցառման գաղտնիությունն ու հյուրերի անվտանգությունն ապահովելու նպատակով հյուրանոցի ղեկավարությունն արդեն տեղեկացրել է մյուս հանգստացողներին, որ ուրբաթ և շաբաթ օրերին համալիրի երկու հարկերն ու մի քանի բարային գոտիներ ամբողջությամբ փակ են լինելու կողմնակի անձանց համար։

Հիշեցնենք, որ Ֆունշալը Կրիշտիանու Ռոնալդուի ծննդավայրն է, ինչն այս իրադարձությանն առանձնահատուկ, խորհրդանշական իմաստ է հաղորդում։

Ռոնալդուն և Ջորջինան հարաբերությունների մեջ են շուրջ տասը տարի եւ ունեն համատեղ երեխաներ։

Այս թեմայով Ռոնալդուի մայրը և քույրերը ներկա չեն եղել ֆուտբոլիստի հարսանիքին Ռոնալդուն ցավակցել է Մեսսիին հոր մահվան կապակցությամբ Ռոնալդուն և Ռոդրիգեսն ամուսնացել են Նուրմագոմեդովն ու Մակգրեգորը` Ռոնալդուի հարսանեկան արարողության հյուրեր Ռոնալդուն ԱԱ-ից դուրս մնալուց հետո առաջին անգամ խոսել է իր ապագայի մասին