Մկրտության արարողությանը մասնակցած 14 քաղաքացի սննդային թունավորում է ստացել

Արտաշատ քաղաքում գտնվող «Արմենիա» ռեստորանում տեղի ունեցած մկրտության արարողությանը մասնակցած 14 քաղաքացի դիմել է բժշկական կենտրոն՝ սննդային թունավորմանը բնորոշ ախտանիշներով, հայտնում է Հիվանդությունների վերահսկման և կանխարգելման ազգային կենտրոնը։

Քաղաքացիները բուժօգնության են դիմել օգոստոսի 1-ին և լույս 2-ի գիշերը։ Բոլոր 14 հիվանդներն ունեցել են սրտխառնոց և փսխում, ընդ որում՝ մի մասի մոտ ախտանիշներն ի հայտ են եկել դեռևս ռեստորանում։ Նշվում է, որ 10 հիվանդի անհետաձգելի բուժօգնության բաժանմունքում ցուցաբերվել է անհրաժեշտ բժշկական օգնություն, որից հետո նրանք դուրս են գրվել՝ առողջական վիճակի բարելավմամբ։ 4 երեխա հոսպիտալացվել է բժշկական կենտրոնի ինֆեկցիոն բաժանմունք, ստացել է համապատասխան բուժօգնություն, և նրանց առողջական վիճակը գնահատվել է բավարար։

Երեխաների ընդհանուր վիճակի բարելավման կապակցությամբ նրանք ևս դուրս են գրվել՝ ժամը 11:30-ի սահմաններում։ ՀՎԿԱԿ ՊՈԱԿ-ի մասնագետների կողմից հիվանդներից վերցվել են կենսանմուշներ, ինչպես նաև սննդամթերքի, շրջակա միջավայրի, ռեստորանի սպասարկող անձնակազմի և խոհանոցի նմուշներ՝ լաբորատոր հետազոտությունների նպատակով։

Այս թեմայով Արձանագրվել են սանիտարական կանոնների խախտումներ. Ֆրանսիայի դեսպանատանը Բժիշկը բացահայտել է մահացու մուրաբայի նշանները, որոնք կարող են ուռուցքներ և թունավորում առաջացնել Արմավիրում սննդային թունավորման դեպք է արձանագրվել. 12 քաղաքացի դիմել է բժշկական օգնության Ադրբեջանում հարսանիքի ժամանակ հյուրերի զանգվածային թnւնավnրnւմ է տեղի ունեցել Առողջապահության նախարարությունը հորդորում է սննդում չօգտագործել անհայտ ծագման սունկ. Սնկից թունավորում Կուրթանում