ԵԱՏՄ-ից Հայաստանի դուրս գալը կարող է հարվածի տակ դնել գինու արտահանման 70 %-ը

Գինու վաճառքից Հայաստանի արտահանման հասույթի գրեթե 70 %-ը բաժին է ընկնում Եվրասիական տնտեսական միության (ԵԱՏՄ) երկրներին։ Միավորումից հանրապետության դուրս գալու դեպքում վտանգի տակ կարող է հայտնվել գինու արտահանման զգալի մասը։ Սպուտնիկ Արմենիայի փոխանցմամբ այս մասին գրում է ՌԻԱ Նովոստին՝ վկայակոչելով վիճակագրական ծառայությունների տվյալները։

Ռուսաստանի նախագահ Վլադիմիր Պուտինը հուլիսի 27-ին հայկական կողմի նախաձեռնությամբ հեռախոսազրույց է ունեցել Հայաստանի վարչապետ Նիկոլ Փաշինյանի հետ: ՀՀ կառավարության մամուլի ծառայությունից հայտնում են, որ Փաշինյանը հնարավոր է գտել ԵՄ-ին երկրի անդամակցության վերաբերյալ հանրաքվեի անցկացումը՝ պաշտոնական հայտ ներկայացնելուց հետո: Ավելի վաղ Պուտինը հայտարարել էր, որ մաքսային առումով Եվրամիության և ԵԱՏՄ-ի հետ միաժամանակյա մասնակցությունն անհնար է:

2025 թվականի արդյունքներով հայկական ընկերություններն արտահանել են 18,7 մլն դոլարի գինի։ Խոշորագույն գնորդը Ռուսաստանն է, որը գնել է 12,8 մլն դոլարի արտադրանք։

Բելառուսին մատակարարվել է 122,2 հազար դոլարի, Ղազախստանին՝ 57,2 հազար դոլարի գինի։

Այսպիսով, ԵԱՏՄ երկրներին բաժին է ընկել 13 մլն դոլար կամ գինու վաճառքից Հայաստանի արտահանման ամբողջ հասույթի 69,6 %-ը։

ԵԱՏՄ-ից դուրս երկրներից հայկական գինու խոշորագույն ներկրողներ են դարձել ԱՄՆ-ը, որը գնել է 1,5 մլն դոլարի արտադրանք, և Կյուրասաոն՝ 1,1 մլն դոլարի: Ռուսաստանի հետ միասին այդ երկրները 2025 թվականի արդյունքներով ընդգրկվել են հայկական գինու խոշորագույն գնորդների եռյակում:

Այս թեմայով Կինոռեժիսոր Նիկիտա Միխալկովը չի հայտնել, թե իր ընկերներից ով է ՌԴ նախագահ Վլադիմիր Պուտինի վրա կարմիր գինի թափել Հայաստանը` Ռուսաստանի գինու խոշորագույն արտահանողների 10–յակում է Մասնագետները նշել են՝ ո՞ր ալկոհոլային խմիչքն է ամենավնասակարը Ավստրալիայում ստեղծել են գինի, որը մաքրում է արյունատար անոթները Արմա'ն, քո համար 3 լիտր գինի էի հատուկ պատվիրել. ՌԴ փոխնախարարը՝ ՀՀ գործընկերոջը