Եկել է պարտքերը հավաքելու ժամանակը՝ պետք է վավերացնել բազմաչարչար Ստամբուլյան կոնվենցիան․ Քոչարյան

Նիկոլ Փաշինյանի զուգընկերուհի ԱՆՆԱ ՀԱԿՈԲՅԱՆԸ բանուգործ թողած՝ շարունակում է անդրադառնալ Հայաստանում ընտանեկան բռնության դեպքերին, դրանք  թաքցնելու պրակտիկային ու ընդհանրապես խնդրին առնչվող իրավիճակին։ Հակոբյանը կարծում է, թե՝ պատճառները նաեւ օրենսդրական բացերի մեջ են։ Նրա կարծիքով՝ եթե աշխարհում ամեն երրորդ կինը, ըստ պաշտոնական վիճակագրության, ենթարկվում է ընտանեկան բռնության, ապա Հայաստանում գուցե բռնությունը կիրառվում է յուրաքանչյուր առաջին կնոջ նկատմամբ։ Այս հայտարարությունն էլ քանի որ չցնցեց որեւէ մեկին, Աննա Հակոբյանն ավելի հեռուն գնաց։

«Ընտանիքներում բռնության թեմայի բարձրաձայնումից հետո կյանքիս ուղղված սպառնալիքներ եմ զգում, հուսով եմ` պետական ծառայությունները կկարողանան նման բան թույլ չտալ, որովհետև երկրի հեղինակությանը մեծ հարված կլինի, եթե վարչապետի տիկինը բռնության զոհ դառնա», - ահազանգել է նա։ Գլխավոր դատախազն էլ «փեշերը քշտած»՝ ընթացք է տվել Աննա Հակոբյանի հրապարակմանը։

Անդրադառնալով վերոնշյալին՝ մեդիափորձագետ Տիգրան Քոչարյանը գրում է․ «Եթե ձեզ զարմացնում է, ինչու այս ամառվա շոգին ու արձակուրդների մեջ հանկարծ սկսվեց շրջանառվել կանանց իրավունքների ու ընտանեկան բռնությունների արհեստածին հարցը, ապա ասեմ։ Գալիս է սեպտեմբերը եւ պետք է վավերացնել բազմաչարչար Ստամբուլյան կոնվենցիան ու սահմանադրական խայտառակ ռեֆորմները։ Երբ դու ունես ընտրությունների արդյունքում ցածր լեգիտիմություն, ու քեզ ԵՄ-ն որոշում է վարչապետ հռչակել, անկախ խայտառակ խախտումներից, դա հենց այնպես չի արվում։ Պարտքեր բաժանելու ժամանակը վերջացել է, եկել է պարտքերը հավաքելու ժամանակը»։

Իսկ եթե խոսքն ամենեւին էլ Ստամբուլյան կոնվենցիան ընդունելու հողը նախապատրաստելու մասին չէ, ապա ակամա հարց է առաջանում. եթե պետական ողջ ապարատը մեկ հրապարակման շուրջ այսպիսի արագությամբ է շարժվում, ապա ի՞նչ է իրականում կատարվում։ Կարո՞ղ է վերջում պարզվի, որ հենց Աննա Հակոբյանն է ընտանեկան բռնության զոհը․․․ Հը՞ն, պարոն Փաշինյան։

ՀՐԱՆՏ ՍԱՐԱՖՅԱՆ

Այս թեմայով Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ ⚡️⚡️«Իրավունք» թերթի այսօրվա տպագիր համարում կարդացե՛ք... Նոյեմբերի 9-ը Հայաստանի փրկօղակն էր․ Հայկ Այվազյան Իշխանության հաբրգելու դեմն առնելու միակ ձևը ԵՄ կառույցների կողմից արձագանքն է, որը չկա. Լեվոն Քոչարյան Փաշինյանը բարդույթ ունի մեր ընտանիքից. Լեվոն Քոչարյան