«Վեոլիա ջուրը» շարունակում է «էշի ականջում քնել»

Կուզես գոռա, կուզես կծիր սեփական լեզուդ, կուզես ուշագնաց եղիր, միեւնույնն է, «Վեոլիա ջուրը» օրը մի քանի թաղամասեր եւ շրջաններ, ամենօրյա ռեժիմով, տպավորություն է, թե միտումնավոր հայտարարում է վթարային եւ անջատում ջրամատակարարումը:

«Իրավունք»-ը բազմիցս անդրադաձել է խնդրին՝ սակայն ապարդյուն: Երբ դրսում 40 աստճան շոգ է, մարդ իր մինիմալ պահանջը՝ լողանալը, չի կարողանում բավարարել: Խնդրի մասին ահազանգում են նաեւ Այգեպատի բնակիչնեը:

«Փոշուց խեդվում ենք, ջուր չկա խմենք: Բազմիցս ահազանգել ենք, ոչ մի լուծում: Արդեն մեկ ամիս է` այս վիճակում ենք: Ո՞վ է մտածելու այս մասին, ո՞վ է պատասխանատուն», - ասում են գյուղացիները:

Հաշվի առնելով առկա պայմանագիրը՝ «Վեոլիա ջուր» ընկերությունը պարտավորվում է ապահովել ջրի 24 ժամյա ռեժիմ: Բնակիչներն անգամ համաձայն են, որ եթե 24 ժամ չեն մատակարարում ջուր, ապա գոնե օրվա մեջ մի քանի ժամ ջրի երես տեսնեն: Սակայն, երբ վերլուծում ենք տվյալ ընկերության տարիների սպասարկումը, ակնհայտ է դառնում, որ խնդիրն անլուծելի է մնացել դեռ շատ վաղուց: Ձմռանը, իբրեւ թե, խողովակներն են սառչում, ինչի պատճառով ջրանջատումներ են, ամռանը անհասկանալի պատճառներով վթարներ լինում ողջ հանրապետությունում: Իսկ «Վեոլիա ջուրը» շարունակում է «էշի ականջում քնել»։

ՆԱՆԱ ՍԱՐԳՍՅԱՆ

Այս թեմայով Վթարային ջրանջատումներ Վթարային ջրանջատում Երևանի Կենտրոն վարչական շրջանում սեպտեմբերի 7-ին «Վեոլիա ջուր»-ն «անակնկալ» մատուցեց գիտելիքի օրվա առթիվ Համաշխարհային տվյալների կենտրոնները մինչև 2030 թվականը կարող են եռապատկել ջրի սպառումը Վթարային ջրանջատում Երևանում