Գերմանիայում 1 եվրոյով վաճառում են XIX դարի գործարան

Գերմանիայում 1 եվրոյով վաճառում են XIX դարի գործարան։

 Ընդարձակ գործարանային տարածքը, որն իշխանությունները հանել են աճուրդի, գտնվում է Սաքսոնիա-Անհալտ երկրամասում, Մագդեբուրգից հյուսիս, հայտնել է Bild-ը։ Այստեղ՝ Թանգերհյութեում, 1842 թվականին հայտնաբերվել են երկաթի հանքի պաշարներ, և բացվել է ձեռնարկություն։ Կարճ ժամանակում այն սովորական գյուղատնտեսական վայրը վերածել է համաշխարհային մասշտաբի արդյունաբերական կենտրոնի։

Թանգերհյութեի ավելի քան 1 500 բնակիչ արտադրում էր այնպիսի ապրանքներ, որոնք մեծ պահանջարկ էին վայելում XIX դարի վերջի Գերմանիայի տնտեսական վերելքի ժամանակ՝ փողոցային լապտերներ, պտուտակաձև աստիճաններ, լոգարաններ և նույնիսկ թեյի ամբողջական տաղավարներ։ Արտադրանքը նաև արտահանվում էր այնպիսի երկրներ, ինչպիսին են Ճապոնիան, Եգիպտոսը և Արգենտինան, և գործարանն արագ համաշխարհային ճանաչում ձեռք բերեց։ Սակայն Գերմանիայի Դեմոկրատական Հանրապետության փլուզումից հետո արդյունաբերության այս լեգենդը վերածվեց լքված ավերակների։

Քաղաքային իշխանությունները ձգտում են ազատվել այս օբյեկտից, ուստի նվազագույն գինը կազմում է ընդամենը 1 եվրո։ Հայտը պետք է ներկայացնել մինչև սեպտեմբերի 30-ը, իսկ նոր սեփականատիրոջը մեծածավալ աշխատանքներ են սպասվում։ Պայմանների համաձայն՝ գնորդը պարտավորվում է անհապաղ միջոցներ ձեռնարկել ճարտարապետական հուշարձան ճանաչված շինության ճակատամասերի ամրացման համար և ապահովել դրանց երկարաժամկետ պահպանությունը։

Այս թեմայով Հովիկ Աբրահամյանի որդին, սպանված հովիվը և անհետացած 60 հազար դոլարը․ բացահայտում Եվրոպայում արգելել են չվաճառված հագուստն ու կոշիկը ոչնչացնել Ձեր իշխանությունը պրոֆեսորին կարող է տանել բանտ քաղաքական որոշմամբ, բազմաթիվ հիվանդներին թողնելով առանց բժշկական օգնության. Նախկին պատգամավորի պատասխանը ՔՊ-ական նախարարին ԵՄ-ն 500 մլն եվրո կներդնի Հայաստանի էներգետիկ ոլորտը Թուրքիային ու Վրաստանին կապելու համար «Փաստ». Ինչպես են Միքայել Հարությունյանի որդիները «պատվիրել» եվրո-ամերիկյան սանկցիաներ