«Կրեմլը խստացրել է իր պահանջները Ուկրաինայի տարածքի նկատմամբ՝ մեղքը բարդելով ԱՄՆ-ի վրա». Bloomberg

«Կրեմլը խստացրել է իր պահանջները Ուկրաինայի տարածքի նկատմամբ՝ մեղքը բարդելով ԱՄՆ-ի վրա»: Bloomberg-ը հաղորդում է, որ Ռուսաստանը չի վերադարձնի ո՛չ Սումիի, ո՛չ էլ Խարկովի շրջանները։

Ռուսաստանն այլևս պատրաստ չէ Ուկրաինային վերադարձնել իր օկուպացված տարածքներից մի քանիսը որպես պատերազմը դադարեցնելու որևէ համաձայնագրի մաս և մտադիր է դրանք պահպանել որպես բուֆերային գոտիներ, Bloomberg-ին հայտնել են Կրեմլին մոտ կանգնած աղբյուրները։

Գործակալության երեք աղբյուրների համաձայն՝ Պուտինը դեռևս մտադիր է լիակատար վերահսկողություն հաստատել Դոնեցկի շրջանի նկատմամբ։ Բացի այդ, Մոսկվան կպահպանի Սումիի և Խարկովի մարզերի՝ Ռուսաստանի սահմանին հարակից տարածքները որպես բուֆերային գոտի։

Աղբյուրները պնդում են, որ Պուտինը հրաժարվել է տարածքային զիջումների գաղափարից, քանի որ Կրեմլը ԱՄՆ-ի ավելի ու ավելի կոշտ հռետորաբանությունը համարել է որպես ապացույց այն բանի, որ Անքորիջի գագաթնաժողովում Թրամփի հետ ձեռք բերված ոչ պաշտոնական համաձայնագրերը այլևս ուժի մեջ չեն։ Ինչպես նշում է Bloomberg-ը, Կրեմլի դիրքորոշումը կոշտացել է Ռուսաստանի տարածքում, այդ թվում՝ Մոսկվայում, ուկրաինական հարվածների հաճախականության աճի ֆոնին։

Տե´ս նաեւ https://t.me/iravunk/69941 

Այս թեմայով Թրամփը վերջին րոպեին չեղարկեց հուսիթների վրա հարձակումը. The New York Times Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Լավ գիտեն՝ Նիկոլը մարսողը չի. Ինչից են վախեցած Սարգսյանները Ուկրաինայում դադարեցրել են պայմանագրային զինծառայողներին վճարելը. Ռադայի պատգամավոր Թրամփը կրկին պահանջել է, որ Զելենսկին դադարեցնի ռուսական նավթավերամշակման գործարաններին հարվածները. Axios