Կիեւյան կամրջի աշխատանքների ավարտի ժամկետը փոխվել է

Ինչպես «Իրրավունք»-ին հայտնում է Երեւանի ավագանու «Քաղաքացիական պայմանագիր» խմբակցության անդամ ԱՇՈՏ ՍԱՐԳՍՅԱՆԸ, Կիեւյան կամրջի աշխատանքների ավարտը 15 օրով կրճատվել է:

«Կիեւյան կամրջի աշխատանքները արագացված կերպով առաջ են գնում, եւ ավարտի ժամկետը փոխվել է: Այսինքն` նախատեսածից ավելի արագ են կատարվում շինաշխատանքները: Ըստ նախնական տվյալների` մոտավորապես օգոստոսի 15-ի կողմերը պետք է վերջացված լինեն աշխատանքները»,- փոխանցում է ավագանու ադամը:

Հիշեցնենք, որ Երեւանի քաղաքապետարանից հաղորդել էին, որ Կիեւյան կամրջի աշխատանքները պետք է ավարտվեին օգոստոս ամսվա վերջին կամ սեպտեմբերի սկզբին: Սակայն, ըստ ավագանու, ամեն բան գնում է սպասվածից լավ եւ արագ: Հարցին, թե արդյո՞ք խցանումները կկրճատվեն կամրջի գործելուն պես, Սարգսյանը պատասխանեց, որ ամեն ինչից անկախ՝ կամրջի վերանորոգումը խիստ անհրաժետ էր. «Չսարքել հնարավոր չէր: Հիմա տարվա մեջ ամենահարմար ժամանակն է կամուրջը սարքելու համար, քանի որ բոլորն արձակուրդում են՝ թե՛ դպրոցներում, թե՛ բուհերում, շատերը գնում են հանգստանալու: Այսինքն՝ այս շրջանում ծանրաբեռնվածությունը, արձակուրդներով պայմանավորված, ավելի քիչ է, քան կլինի սեպտեմբերին»:

ՆԱՆԱ ՍԱՐԳՍՅԱՆ

Այս թեմայով ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Արդարադատությունը քնում է, բայց չի մահանում․ ԸՆԿԵՐ ՓԱՆՋՈՒՆԻ 20 մլրդ դրամ Հայկ Սարգսյանի պատճառով չի մտնի պետբյուջե. Oragir.News Ալեն Սիմոնյանը թվերի հետ էլ խնդիր ունի՞, թե՞ մոռացել է որ գումարման ԱԺ նախագահն էր