«Սլավյանսկի բազար 2026»-ում Ադրբեջանի ներկայացուցիչն արժանացել է Բելառուսի նախագահի հատուկ մրցանակին

Վիտեբսկում կայացավ «Սլավյանսկի բազար 2026» էստրադային երգի կատարողների միջազգային մրցույթը: Եզրափակիչ փուլում Ադրբեջանը ներկայացնող Նաֆիսա Ակիեւան արժանացավ Բելառուսի Հանրապետության նախագահ Ալեքսանդր Լուկաշենկոյի կողմից «Սլավոնական հույս» հատուկ մրցանակին։

Պարգեւը հանդիսավոր արարողության ընթացքում հանձնեց Բելառուսի Հանրապետության փոխվարչապետ, «Սլավյանսկի բազար» միջազգային մրցույթի  նախապատրաստման եւ անցկացման կազմկոմիտեի նախագահ Նատալյա Պետկեւիչը։

Դիմելով հանդիսատեսին՝ Բելառուսի փոխվարչապետը նշեց, որ մրցութային օրերին Վիտեբսկի ամառային ամֆիթատրոնի բեմից բազմաթիվ ջերմ խոսքեր են հնչել, սակայն ինքը եւս ցանկանում է շնորհակալություն հայտնել Բելառուսի նախագահին՝ 35 տարի շարունակ այս մրցույթը պահպանելու, վերածնելու եւ այն այնքան բարձր մակարդակի հասցնելու համար, որ այսօր այդ նշաձողը գերազանցելը չափազանց դժվար է։

Նրա խոսքով՝ հուլիսյան այս օրերին միլիոնավոր հանդիսատես եւ հեռուստադիտող վայելել են իսկական մշակութային տոն, իսկ «Սլավյանսկի բազարը» դարձել է բազմաթիվ երիտասարդ էստրադային կատարողների ստեղծագործական մեկնարկային հարթակը՝ միաժամանակ միավորելով արվեստի տարբեր ճյուղեր։

Նատալյա Պետկեւիչը փառատոնին մաղթել է դեռ բազմաթիվ հոբելյաններ, իսկ դրա բոլոր մասնակիցներին ու երկրպագուներին՝ 35 տարի անց կրկին հավաքվել Վիտեբսկի ամառային ամֆիթատրոնում՝ նշելու փառատոնի հերթական հոբելյանը։

ՀՐԱՆՏ ՍԱՐԱՖՅԱՆ

Այս թեմայով Մենք պետք է պատրաստվենք պատերազմի. Լուկաշենկո Թրամփի հետ հանդիպումը օգտակար կլիներ Բելառուսի համար․ Լուկաշենկո Ռուսական ուժերը խորը ճեղքում են իրականացրել Սլավյանսկի ուղղությամբ` մտնելով Նիկոլաեւկա (Քարտեզ) Սլավյանսկի և Կրամատորսկի համար փողոցային մարտերը կմեկնարկեն ամենամոտ ժամանակներս Այսօր Ալեքսանդր Սամսոնիչը կդառնար 90 տարեկան