«ԿԱՄ ԲՈԼՈՐՍ ՊԻՏԻ ՓՐԿՎԵՆՔ, ԿԱՄ  ՄԻԱՍԻՆ ՊԻՏԻ ԶՈՀՎԵՆՔ». ԱՆՄԱՀ ՀԵՐՈՍ ԱՐԹՈՒՐ ՄԱՐԳԱՐՅԱՆ

Հուլիսի 19-ը անմահ հերոս ԱՐԹՈՒՐ ԳՎԻԴՈՆԻ ՄԱՐԳԱՐՅԱՆԻ ծննդյան օրն է, կդառնար 24 տարեկան։ Անմահ հերոսի հուշարձանին են այցելել հարազատներ, համագյուղացիներ, ընկերներ  ծաղիկներ խոնարհել ու խնկարկել։

Արթուրի մայրը տիկին ԼԻԱՆՆԱՆ  Iravunk. com -ի թղթակցի հետ զրույցում, խորը ցավը սրտում նշեց.

- «Արթուրս ծնվել է 2002 թվականի այս օրը, հուլիսի 19-ին, Գեղարքունիքի մարզի Լիճք գյուղում։ Գյուղի միջնակարգ դպրոցն ավարտելուց հետո, ուսումը շարունակել է Մարտունու Համագործակցության քոլեջում։ 2020֊ին, երբ հայրենիքը կանգնած էր ծանր փորձության առաջ, թանկագին որդիս կամավոր դիմեց զինկոմիսարիատ, խնդրելով իրեն ևս ուղարկել սահման պատերազմին մասնակցելու։ Սակայն, անչափահաս լինելու պատճառով նրան մերժել են։ Չնայած դրան, որդիս չմնաց անգործ, նա գիշեր - ցերեկ աշխատում էր ու իր վաստակած գումարով առաջնագիծ ուղարկում անհրաժեշտ պարագաներ , այդ թվում ծխախոտ, զինվորներին աջակցելու համար։ 2021 թվականի մարտի 31-ին, չսպասելով իր հերթին, կամավոր և վաղաժամ մեկնել է ծառայության։ Ծառայությունը սկսել է Գորիսի Խնձորեսկում, ապա տեղափոխվել Զանգեր։ Ծառայությունից ընդամենը 2 ամիս անց, նենգ թշնամին դիվերսիոն հարձակում է  իրականացրել։ Արթուրս ու նրա զինակից ընկերները, խիզախորեն դիմակայել են ու հետ շպրտել ոսոխին։ Այնուհետև զբաղվել են ինժեներական աշխատանքներով, սեփական ձեռքերով անգամ գետնից խոտածածկերը պոկելով, ամրացրել ու կառուցել իրենց դիրքերը։ 2022 թվականի հուլիսի 28-ին, Արթուրս առաջին անգամ արձակուրդ եկավ։ Եռօրյա պատերազմական գործողությունների ընթացքում, նա եղել է  Իշխանասարի դիրքերում։ Կռվել է անձնուրաց ու հերոսաբար անտեսելով սեփական կյանքը։ Փրկել է մի քանի վիրավոր ընկերների։ Չի ենթարկվել հետնահանջ հրամանին, առաջնորդվելով մեկ գաղափարով. «ԿԱՄ ԲՈԼՈՐՍ ՄԻԱՍԻՆ ՊԻՏԻ ՓՐԿՎԵՆՔ, ԿԱՄ ՄԻԱՍԻՆ ՊԻՏԻ ԶՈՀՎԵՆՔ» ։Ինձ հերոս պետք չէր, ինձ իմ որդին էր պետք։ Անընդհատ սպասում եմ, որ դուռը կբացվի ու ներս կգա որդիս։ Ծնունդդ շնորհավոր իմ թանկ տղա, սիրտս քեզ հետ մեկտեղ թաղվեց, ապրում եմ, բայց առանց շնչի, սպասում եմ քեզ հավերժ։ Միևնույնն է, ինչ էլ լինի, երբեք չեմ կարող համակերպվել այս դաժան իրականության հետ։ Որդիս ինձ ասաց. «Մամ ջան, ես չեմ վախենում, հայրենիքիս համար կյանքս չեմ ափսոսում», մի փոքր տղայիս խոսքերն են ինձ ուժ տալիս։ Ափսոսում եմ մի բանի համար, որ մարդիկ չեն ուզում հիշել մեր հերոսներին, ընդունում եմ նրանց, ովքեր գիտեն գնահատել»։ Անմահ հերոս Արթուր Մարգարյանը հերոսաբար  զոհվել է 2022 թվականի սեպտեմբերի 13-ի առավոտյան , ստանալով բեկորային մահացու վնասվածք։ Հուղարկավորված է ծննդավայր Լիճք գյուղում։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել Ուկրաինայում նաեւ Սարդ-մարդուն են մոբիլիզացրել պատերազմ ուղարկելու համար (Ֆոտո) 26 ՏԱՐԻ ԱՌԱՆՑ ԽԻԶԱԽ ՀԱՅՈՐԴԻ ՎԱՐՈՒԺԱՆ ԴԱՎԹՅԱՆԻ