Իրավիճակը կարելի է բնութագրել որպես «Հորմուզի ճակատամարտի» սկիզբ

Հորմուզի նեղուցում զարգացող իրադարձությունները փաստում են բանակցային գործընթացի ձախողման ու պատերազմի նոր փուլի մեկնարկի մասին: Անդրադառնալով առկա իրողություններին ասում է իրանահայ խմբագիր Արամ Շահնազարյանը.

- Իրանում Խամենեիի հրաժեշտի բազմօրյա արարողությունները կրոնական լինելուց բացի նաև հստակ քաղաքական ուղերձներ էին թե՛ իրանական հասարակությանը, թե՛ միջազգային հանրությանը։
Յուրաքանչյուր փուլ իր մեջ պարունակում է հստակ պատգամներ և ուժի ցուցադրում։ Շուրջ 100 պետությունների պատվիրակությունների մասնակցությունը հստակ մեսիջ էր այն քարոզչության դեմ, թե իբր Իրանը մեկուսացած է միջազգային հանրությունից։ Սա պետական համակարգի կայունության ապացույց էր եւ փաստ, որ պատերազմըոչ թե թուլացրել, այլ որոշ ուղղություններով ուժեղացրել է Իրանի դիրքերը։
Այսօր մենք գործ ունենք նոր Իրանի հետ՝ ոչ միայն տարածաշրջանային կարևոր խաղացողի, այլ նաև միջազգային կարևոր դերակատարի հետ։ Իրանական առյուծը վաղուց էր արթուն, ուղղակի ննջում էր։ Հիմա արդեն այն վիճակում է, ինչպես առյուծը, որը դուրս է եկել որսի։

Արդեն ակնհայտ է, որ նախկին բանակցային գործընթացը փաստացի դադարել է, իսկ ռազմական գործողությունները տեղափոխվել են նոր փուլ։ Հորմուզի նեղուցի շուրջ ստեղծված իրավիճակը կարելի է բնութագրել որպես «Հորմուզի ճակատամարտի» սկիզբ։ Հիմա Իրանը փորձում է պահպանել իր դիրքերը, ռազմավարական առավելությունն ու Հորմուզի նեղուցի նկատմամբ ամբողջական վերահսկողությունը, մինչդեռ ԱՄՆ-ը ձգտում է փոխել խաղի կանոններն ու ընթացքը:

Բանակցությունների  այն պայմանները, որոնց շուրջ պետք է ընթանար գործընթացը, ձեռնտու չէին Միացյալ Նահանգներին և հատկապես ԱՄՆ նախագահ Դոնալդ Թրամփին։

Միջազգային, այդ թվում՝ արևմտյան և ամերիկացի մի շարք փորձագետներ ևս պնդում էին, որ նման բանակցությունները ՄիացյալՆահանգների համար կապիտուլյացիայի տպավորություն էին ստեղծում, քանի որ Վաշինգտոնը համաձայնել էր քննարկումներ սկսել Իրանի առաջարկած պայմանների շուրջ։Ես կասկած չունեի, որ հաշվի առնելով Միացյալ Նահանգների վարչակազմի դիրքորոշումն ու Թրամփի գործելաոճը, նրանք ինչ-որ պահի խախտելու էին այս բանակցային գործընթացը։

Այս թեմայով Ucom-ը՝ Միկրոէլեկտրոնիկայի միջազգային 21-րդ օլիմպիադայի գլխավոր հովանավոր Որ ուժերն են մասնակցում Կարապետյանի տան հավաքին ԱՄՆ ընտրությունները դժվար թե կտրուկ փոփոխություններ առաջացնեն Պատերազմի սկզբից արդեն խախտվել էր պատերազմի «այբուբենը». Նոյեմբերի 9-ին պայմանագրից 6 տարի անց Հայտնի իրավապաշտպանը հրատապ հայտարարությամբ է հանդես եկել