2025-ի սկզբից ԱՄՆ-ն լքել է ավելի քան 3 միլիոն անօրինական ներգաղթյալ

2025 թվականի սկզբից Միացյալ Նահանգները լքել է ավելի քան 3 միլիոն անօրինական ներգաղթյալ։ Այս մասին հայտնել է ԱՄՆ ներքին անվտանգության նախարար Մարկվեյն Մալինը:

Ըստ նրա՝ անօրինական միգրանտների ձերբակալությունների թիվը շարունակում է աճել, գերատեսչությունը գրեթե ամեն օր ձերբակալությունների քանակով նոր ռեկորդներ է սահմանում։

Մալինի խոսքով՝ 3 միլիոնից 1.6 միլիոն ներգաղթյալ արտաքսվել է ԱՄՆ-ից Ներգաղթի և մաքսային ծառայության ջանքերով, մինչդեռ ևս 1.4 միլիոնը հեռացել է ինքնակամ՝ օգտվելով կառավարության ֆինանսական աջակցության ծրագրից։

Նա նաև հավելել է, որ ամեն օր ձերբակալվող անօրինական ներգաղթյալների մոտ 70 %-ը հանցագործություններ կատարած անձինք են։ Նաև, ըստ նախարարի, ստուգումների արդյունքում հայտնաբերվել է Միացյալ Նահանգների քաղաքացիություն չունեցող 250,000 անձ: Հայտնաբերվել է 400,000 մահացած մարդու անուն, որոնք գրանցված են եղել քվեարկելու համար։

Ավելի վաղ ԱՄՆ-ում նոյեմբերին նախատեսված Կոնգրեսի միջանկյալ ընտրությանն ընդառաջ, ԱՄՆ նախագահ Դոնալդ Թրամփը հայտարարել էր ամերիկյան ընտրական համակարգի խոցելիության մասին. «ԱՄՆ-ի հակառակորդները, այդ թվում՝ առնվազն Ռուսաստանը, Չինաստանը, Իրանը և Հյուսիսային Կորեան, ունեն ԱՄՆ-ի ընտրական ենթակառուցվածքին վնաս հասցնելու հնարավորություններ»:։

Նա հավելել էր նաև, որ Չինաստանն ապօրինաբար հասանելիություն է ստացել ամերիկացի 220 միլիոն ընտրողի տվյալներին և փորձել է խանգարել իր վերընտրվելուն: Մոսկվան և Պեկինը հերքել են բոլոր մեղադրանքները:

Այս թեմայով Ունի Հայաստանը գազի այլընտարանք. Մեկնաբանում է տնտեսագետը «Ժողովուրդ». Պապիկյանի նախկին խորհրդականին բանտից տուն են ուղարկել Սեդրակ Քոչարյանին նույնպես տեղափոխեցին Հակակոռուպցիոն ՇՏԱՊ. Ռոբերտ Քոչարյանին քննչական մարմինները տեղափոխել են Հակակոռուպցիոն Կոմիտե Կարկուտ կտեղա՞․ ի՞նչ եղանակ սպասել օգոստոսի 15-ից 19-ին