Ձկների Եվրոպա «մեկնելու» մասին ձկնարտահանողներն անգամ տեղյակ չեն

Կառավարության նիստում երեկ ընդունվել է որոշում ձկնարտադրության եւ այն արտահանելու վերաբերյալ: Որոշման ընդունման արդյունքում հնարավոր կդառնա Հայաստանից ԵՄ սառեցված ձկան, վերամշակված ձկան եւ ձկնամթերքի արտահանումը։ Որոշումն ուղղված է շուկաների դիվերսիֆիկացմանը եւ արտահանման ծավալների ավելացմանը։

«ՀՀ-ն Եվրոպական հանձնաժողովի կողմից թույլտվություն է ստացել ԵՄ երկրներ հայկական արտադրության սառեցված ձուկ, վերամշակված ձուկ եւ ձկնամթերք արտահանելու հնարավորության վերաբերյալ»,- կառավարության նիստում ասել է էկոնոմիկայի նախարար Գեւորգ Պապոյանը։

Ըստ նրա, որպեսզի հնարավոր լինի արտահանման գործընթացն անխոչընդոտ կազմակերպել, անհրաժեշտ է «Սննդամթերքի անվտանգության մասին» եւ «Սննդամթերքի անվտանգության պետական վերահսկողության մասին» օրենքներում սահմանվեն համապատասխան լիազորող նորմեր՝ կառավարության կողմից համապատասխան ընթացակարգերի եւ պահանջների հաստատման նպատակով։

Այս թեմայի շուրջ «Իրավունք»-ը փորձեց պարզաբանում ստանալ Հայ ձկնարտադրողների եւ ձկնարտահանողների միության նախագահ ԱՐԹՈՒՐ ԱԹՈՅԱՆԻՑ՝ հետաքրքրվելով, թե ինչ արդյունքներ են ակնկալում եվրոպական շուկայից կամ ինչ խնդիրների առաջ են կանգնած ձկնարտադրողներն ու ձկնարտահանողները։ Ընդ որում՝ հարցը բոլորովին պատահական չէր, քանի որ 2022 թվականին նույն անձը անդրադարձել էր ձկնարտադրության եւ այն արտահանման խնդիրներին ռուսական շուկայում՝ հայտնելով իր մտահոգությունը։

«Սովորաբար ռուս սպառողը, ինչպես նաեւ մյուս սպառողները, նախընտրում են մթերքը բնականին մոտ, բայց էժան գնելուն։ Կենդանի վիճակում ձկնամթերքը թանկ կլինի եւ հետեւաբար մրցունակ չի լինի շուկայում, իր տեղը կզիջի ավելի թարմ վիճակին մոտ պաղեցված ձկնամթերքին»,– ասել էր նա եւ նկատել, որ ձկնարտադրողները լրջագույն խնդիրների առաջ են կանգնած. խնդիրներ կան` ներմուծվող ձկնամթերքի որակի, զանգվածային անկումների, ջրօգտագործման սահմանափակումների հետ կապված։ Այսքանից հետո, «Իրավունք»-ի հարցին, թե ինչ կարծիք ունի ձնկարտադրության արտահանման վերաբերյալ, Աթոյանը պատասխանեց, որ դրա հետ ոչ մի կապ չունի եւ չի հասկանում, թե ինչի մասին է խոսքը:

Հստակեցնելու համար՝ ճշտեցինք. «Պարոն Աթոյան, արդյո՞ք Դուք չեք հանդիսանում հայ ձկնարտադրողների եւ ձկնարտահանողների միության նախագահը»։ Վերջինս վերահաստատեց եւ ասաց, որ ինքն է, բայց նման թեմաներ իր գործառույթների մեջ չեն մտնում:

Հետաքրքիր է՝ ինչո՞ւ է չորս տարի առաջ Ռուսաստան արտահանվող ձկների թեման Աթոյանի գործառույթների մեջ մտել, իսկ հիմա՝ էլ չի մտնում։

ՆԱՆԱ ՍԱՐԳՍՅԱՆ

Այս թեմայով Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում ԾՆՈՒՆԴԴ ՇՆՈՐՀԱՎՈՐ ԱՐԹՈՒՐՍ. Մայոր Արթուր Ալավերդյանը կդառնար 34 տարեկան Մեղավորները գահին են, արդարները՝ բանտում․ այսօր ՀԱՊ կուսակցության նախագահի ծննդյան 45-ամյակն է Գնալու ենք եւ ընտրելու ենք «Միասնական Ռուսաստանը»․ Արթուր Ղազարյան Ներկա պահին ռուսական զինված ուժերի դուրս բերման միակ խոչընդոտն անձամբ Փաշինյանն է․ Արթուր Դանիելյան