ԶԳՈՒՇԱՑՈՒՄ | «5G ՑԱՆՑԻ ԹԱՐՄԱՑՄԱՆ» ՊԱՏՐՎԱԿՈՎ ԽԱՐԴԱԽՈՒԹՅՈՒՆՆԵՐԸ ՇԱՐՈՒՆԱԿՎՈՒՄ ԵՆ

Չնայած ՆԳՆ Կիբեռոստիկանության կողմից բազմիցս հրապարակված իրազեկումներին՝ խարդախները շարունակում են «5G ցանցի թարմացման», «կապի որակի բարելավման» կամ «տեխնիկական կարգավորումների» պատրվակով ներկայանալ ՀՀ-ում գործող բջջային օպերատորների աշխատակիցներ և համոզել քաղաքացիներին հեռախոսում ներբեռնել հատուկ ծրագրեր։ Ցավոք, այս մեթոդի հետևանքով շարունակում են արձանագրվել նոր տուժած քաղաքացիներ։

Հիշե՛ք՝ նման ծրագրերի տեղադրումը հանցավորներին հնարավորություն է տալիս հեռակա հասանելիություն ստանալ ձեր բջջային հեռախոսին, մուտք գործել բանկային հավելվածներ և հափշտակել ձեր դրամական միջոցները։

Ձեր անվտանգությունն ապահովելու համար՝

• մի՛ ներբեռնեք անծանոթ անձանց առաջարկած ծրագրեր,
• մի՛ տրամադրեք հաստատման կոդեր, գաղտնաբառեր կամ այլ անձնական տվյալներ,
• կասկածելի զանգ ստանալու դեպքում անմիջապես ընդհատեք խոսակցությունը և կապ հաստատեք ձեր բջջային օպերատորի պաշտոնական սպասարկման կենտրոնի հետ։

Հիշե՛ք՝ ՀՀ-ում գործող բջջային օպերատորները երբեք հեռախոսազանգի միջոցով չեն պահանջում ներբեռնել որևէ հավելված կամ ծրագիր։

ՆԳՆ Կիբեռոստիկանություն t.me/cyberpolice_arm

Այս թեմայով Խարդախության նոր ալիք․ փորձում են հափշտակել քաղաքացիների գումարները Կիբեռհանցագործության զոհ դարձած քաղաքացիները պահանջում են ՔԿ նախագահի հրաժարականը Չարձագանքել +63, +212 կամ այլ միջազգային հեռախոսային կոդերով համարներից ստացվող հաղորդագրություններին Փողոցում ձուկ վաճառողին վռազ հավաքում եք, ինձ խաբող զեղծարարների անունն եմ տվել, ինչի՞ չեք բռնում. Տեսանյութ Պաշտոնյաների երազին ենք անգամ գալու, նրանք իրավիճակին այլևս չեն տիրապետում, թող մեր գումարները տան