Ռուսաստանը եթե դադարեցնի գազի մատակարարումը, հանգեցնելու է կատաստրոֆիկ հետեւանքների. Գրիգորյան

Եվրահանձնաժողովի նախագահ Ուրսուլա ֆոն դեր Լայենը Երեւանում հայտարարել էր, թե՝ ԵՄ-ն պատրաստ է աջակցել Հայաստանին գազի մատակարարումների հետ կապված հնարավոր խնդիրների դեպքում՝ որպես օրինակ բերելով Մոլդովայի եւ Ուկրաինայի փորձը։ Անդրադառնալով վերոնշյալին՝ «Իրավունք»-ի հետ զրույցում «Մեկ առողջություն» կոալիցիայի ղեկավար, 44-օրյա պատերազմի մասնակից, միջազգային փորձագետ ԳՐԻԳՈՐ ԳՐԻԳՈՐՅԱՆՆ ասվածը համեմատեց կնոջը խաբող տղամարդու հետ։

— Երբ տղամարդը որոշում է կնոջը խաբել եւ տիրանալ նրան որոշակի ժամանակով կամ օգտագործել նրան, ինքը շատ բան է խոսք տալիս։ Դրա մասին է հենց վկայում այն փաստը, որ այսօր հայկական գյուղատնտեսական որոշ մթերքներ մտնում են Եվրոպական միության տարածք։ Բայց գոնե ինձ համար, ով 20 տարուց ավելի աշխատել է այդ ոլորտում եւ փաստացի մասնակցել է բոլոր օրենսդրական փոփոխություններին, ծրագրերին, որպեսզի հայկական գյուղատնտեսական հումքը եւ մթերքը կարողանանք արտահանել Եվրամիություն, պարզ է, որ սա կրում է ձեւական, ցուցադրական բնույթ։ Սա թակարդ է, որը բերելու է շատ վատ հետեւանքների։

Արդեն իսկ մենք կարող ենք ասել, որ գյուղատնտեսությունը Հայաստանում գրեթե վերացած է, եւ ոլորտը գտնվում է կոմայի մեջ։ Ընդ որում՝ երբ օրգանիզմը մահանում է, լինում է նման երեւույթ, որ երբ վերջին պահն է մոտենում, որոշակի կարճ ժամանակ կլինիկական լավացում է նկատվում, բուժառուն ասում է, որ լավ է զգում, ամեն ինչ բուժվել է, ամեն ինչ անցել է, ամեն ինչ նորմալ է, իր ինքնազգացողությունը շատ լավ է, իսկ դրանից հետո միանգամից վատթարացում է գնում, եւ արձանագրվում է կենսաբանական մահ։ Նույն իրավիճակն այսօր մեր երկրում է։

Ինձ թվում է՝ բոլորը հիշում են տխրահռչակ Քովիդի պատմությունը, սկանդալները` հենց Ուրսուլա ֆոն դեր Լայենի անվան հետ կապված։ Մարդիկ պետք է գոնե տրամաբանեն, թե ում հետ նրանք գործ ունեն։ Ինչ վերաբերում է էներգետիկ անվտանգությանը, այն, ինչ այս օրերին քննարկվում է փորձագիտական մակարդակում, սովորական մարդիկ էլ գիտեն։ Բոլորն էլ տեղեկացված են, որ Ռուսաստանի Դաշնությունն այսօր մատակարարում է գազ Հայաստանի Հանրապետությանը՝ ներքին գներով։ Դրանում ոչ մի գաղտնիք չկա, եւ այն, որ Ռուսաստանը եթե դադարեցնի գազի մատակարարումը, հանգեցնելու է կատաստրոֆիկ հետեւանքների Հայաստանի տնտեսության եւ կյանքի որակի համար, նույնպես փաստ է։

ՀՐԱՆՏ ՍԱՐԱՖՅԱՆ

Այս թեմայով Սամվել Կարապետյանի կալանավորումը ընդդիմության օրակարգ չի կարող լինել․ Խորեն Գրիգորյան Ինչպես քոչարյանականները խաբեցին ընտրազանգվածին Ցվայգն ու ՔՊ-ի ցուգցվանգը․ ԶԱՐՄԱՆՔ Խորհրդարանական ընդդիմությունը, կողմ ըլլալով, դեմ է ԹՐԻՓՓ-ին. Էդգար Առաքելյան Նարեկ Գրիգորյանի «աստեղային ժամն» ու Ցվայգը