Պետք է վերջ դրվի «բդեշխների ինստիտուտին». Հայտնի իրավապաշտպանի բացառիկ զրույցը՝ մարզպետների ինստիտուտի օպտիմալացման մասին

Հայաստանի կառավարությունում քննարկվում է պետական կառավարման համակարգի հերթական խոշոր վերափոխումը, որի արդյունքում մինչև 2028 թվականը կարող է փուլային կարգով դադարեցվել գործող մարզպետարանների ինստիտուտը։ Քննարկվող մոդելի համաձայն՝ ներկայիս մարզպետարանների փոխարեն յուրաքանչյուր մարզում կարող է գործել ընդամենը մեկ Կառավարության ներկայացուցիչ՝ փոքր աշխատակազմով և սահմանափակ գործառույթներով։

Թեև այս նախաձեռնության վերաբերյալ առայժմ պաշտոնական հայտարարություն չի արվել, կառավարությունում քննարկվող մոտեցման հիմքում վարչական համակարգի օպտիմալացումն է։ Հատկանշական է, որ երբ ուսումնասիրում էինք քաղաքական ուժերի նախընտրական ծրագրերը, նկատեցիք, որ նման դրույթ կար միայն ԴՕԿ կուսակցության ծրագրում։ Ստացվո՞ւմ է, որ իշխանությունն օգտագործել է ձեր ծրագրային գաղափարը, հարցի պատասխանը «Իրավունքը» խնդրել է հայտնի իրավապաշտպան, «ԴՕԿ» կուսակցության շտաբի պետ, աղմկահարույց գործերով նախադեպային վճիռների հասած ԼԵՎՈՆ ԲԱՂԴԱԱԱՐՅԱՆԻՑ.
— Ինչպես սիրում է ասել ԴՕԿ կուսակցության առաջնորդ Վարդան Ղուկասյանը՝ «Լավին՝ լավ, վատին՝ վատ»։
Այո՛, ԴՕԿ կուսակցության նախընտրական ծրագրով նախատեսված էր ոչ միայն մարզպետարանների լուծարումը և դրանց պահպանման համար նախատեսված հսկայական բյուջետային միջոցների ուղղումը գյուղերի զարգացմանը, այլև գյուղական համայնքների ղեկավարների ընտրության գործող համակարգի վերացումը և նշանակովի կառավարման մոդելի ներդրումը, որպեսզի վերջ դրվի նաև «բդեշխների ինստիտուտին»։
Տարիներ շարունակ կան համայնքներ, որտեղ նույն անձը,հետո եղբայրը ,հետո կւնը և այդպես 10–20 տարի անընդմեջ ընտրվում են՝ բարեկամական, ընկերական կապերի կամ տեղական ազդեցության շնորհիվ։ Արդյունքում գյուղի մշակույթի տունը, դպրոցը կամ ճանապարհները քայքայված են, իսկ համայնքի ղեկավարը շրջում է հարյուր հազարավոր դոլար արժողությամբ ավտոմեքենայով և հանգստանում աշխարհի ամենաթանկ հանգստավայրերում։ Այս համակարգը պետք է փոխվի։ Պետական միջոցները պետք է ծառայեն համայնքի զարգացմանը, ոչ թե առանձին պաշտոնյաների բարեկեցությանը։
Եթե  սկսել են օգտվել ԴՕԿ կուսակցության ծրագրային դրույթներից, ապա ես դա միայն ողջունում եմ, քանի որ դրանից շահում է պետությունը։ Այլ հարց է, թե այդ գաղափարները որքան արդյունավետ և որակով կիրականացվեն։
Ավելին,  թող  ուսումնասիրեն նաև ԴՕԿ կուսակցության այն ծրագրային առաջարկները, որոնք վերաբերում են իրավապահ համակարգի կառուցվածքի և գործունեության արմատական բարեփոխմանը։ Դրանք միտված են կանխելու օրեցօր աճող խուլիգանությունները, զինված հարձակումները, կողոպուտները և թմրամիջոցների ապօրինի շրջանառությունը, որոնք այսօր լուրջ սպառնալիք են դարձել հանրային անվտանգության համար։

Այս թեմայով Ռուսաստանում հնարավոր է դարձել ԽՍՀՄ–ի փլուզումից ի վեր ամենամեծ փոփոխությունը Ռուսները ոչնչացրել են Ուկրաինայի զինված ուժերի համար բեռներ տեղափոխող եւս հինգ բեռնանավեր (Տեսանյութ) «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ Գործը վերաբերում է ենթադրյալ կաշառք տալու և ստանալու դեպքին