Բոլոր պարերը պարել էինք, մնացլ էր գարեջրի ցուցահանդես-տոնավաճառը

Երեւանի քաղաքապետարանը երեք օր շարունակ՝ հուլիսի 17-ին, 18-ին եւ 19-ին, Զաքյան-Լուսավորիչ փողոցների հատման հատվածից մինչեւ Զաքյան-Խորենացի փողոցների հատման հատվածում անցկացրեց «Գարեջրի օրեր» խորագրով ցուցահանդես-տոնավաճառը:

Շատերի համար ուրախալի լուր, ոմանց համար միեւնույնն է, սակայն ընդհանուր տեսարանը մեկն է՝ եւս մեկ առիթ Երեւանը գինարբուքի վերածելու: Վերջին շրջանում Երեւանը մի տեսակ դարձել է գինու, գարեջրի, շուտով նաեւ օղու, թեքիլայի, ինչո՞ւ ոչ, վիսկիի կենտրոն: Հիմա էլ գարեջուր են խմել ու փողոցներում պար եկել: Լավ, դա էլ պարեցին, բայց ո՞ւմ հաշվին՝ հասարակ հարկատուի՞:

Հարկատուն հարկ է վճարում, որ ասֆալտապատում ունենա, որ աղբահանությունը պատշաճ լինի, որ անձրեւաջրերից հետո ստիպված չլինի իրեն զգալ այնպես, իբր Վենետիկում է, որ ձմռանը փողոցներն ու բակերը մաքուր լինեն ու այսպես շարունակ: Երբեք հարկատուի մտքով չի անցել, որ հիմա էլ գարեջրի համար պետք է փողոցներում խցանումներ ունենար, ինչը տեսանք այս օրերին:

Ինչքա՞ն ու մինչեւ ե՞րբ պետք է իշխանությունը՝ քաղաքային եւ ոչ միայն, անի այն, ինչն իրեն է հարմար: Մինչեւ ե՞րբ պետք է քաղաքացին հարկ մուծի, բայց շարունակի ապրել այսքան անհարմարավետ...

ՆԱՆԱ ՍԱՐԳՍՅԱՆ

Այս թեմայով Սեպտեմբերի 19-ին ի՞նչ «տոն» Խաչվերացի տոնը քրիստոնյաներին կրկին հիշեցնում է, որ հավատքի ճանապարհն անցնում է Խաչի խորհրդի միջով Խաչվերացի տոնին Սուրբ Պատարագներ կմատուցվեն Խաչվերացը տոն է Նվազագույնը 100 հազար դրամ․Ինչ գին ունի սեպտեմբերի 1-ը