Սեւոյանը սեւ բերեց Մասիվի գլխին. ի՞նչ է մտածում Ավինյանը

Ինչպես ասում են մասիվցիները, իրենց վրա այդպես էլ թաղապետ չեկավ:

«Իրավունք»-ին հասած տեղեկությունների համաձայն՝ ամենայն հավանականությամբ Նոր Նորք վարչական շրջանի ղեկավարին՝ Մարատ Սեւոյանին, կփոխարինի Սեւակ Մելքոնյանը, որը 2024 թվականին նշանակվել է Երեւանի քաղաքապետարանի աշխատակազմի մատակարարման եւ տեխնիկական սպասարկման վարչության պետի պաշտոնակատար:

Հարկ է նշել, որ Սեւակ Մելքոնյանը եւս ՔՊ-ի կոալիցիոն գործընկեր «Հանրապետություն» կուսակցության անդամ է, իսկ նրա հայրը՝ Կարեն Մելքոնյանը, Մալաթիա-Սեբաստիա վարչական շրջանի ղեկավարի տեղակալն է:

Ինչ վերաբերում է Սեւոյանին, ինչ իր պաշտոնավարման այս մեկ տարվա ընթացքում արել կամ ավելի ճիշտ՝ չի արել, բնակիչների համար անընդունելի է եղել: Աղբահանությամբ զբաղվել է միայն այն դեպքում, երբ բարձրացվել է հանրային աղմուկ: Երբեք չի եղել նստավայրում՝ պատճառաբանելով, թե մշտապես կա՛մ խորհրդակցության է, կա՛մ շրջայցեր է իրականացնում:

Ի դեպ, հետաքրքիր է, երբ Սեւոյանը շրջայց է կատարում, աչքերը փակո՞ւմ են, որ չվրդովվի կամ նեւրոտիկ սինդրոմներ չառաջանա մոտը: Ողջ Մասիվի այգիները գտնվում են խայտառակ անխնա վիճակում, հատկապես ամռան տապին: Ակնհայտ է, որ աղբահանությունը որոշ վայրերում մատնված է անուշադրության: Ծառերի բլոճներն արդեն մտնում են մարդկանց տներն ու դարակները: Եվ դեռ անհասկանալի է, թե այդ թաղապետն ինչի՞ համար է լուռ, զուսպ եւ մի քիչ էլ «դինջ» կեցվածքով շարունակում այսքանից հետո ղեավարել Նոր Նորքի վարչական շրջանը: Այնքան զուսպ, որ անգամ թաղի բնակիչների հետ «լայախ» չի անում շփվել, խոսել, հանդիպել:

Հետաքրքիր է նաեւ, թե քաղաքապետ Տիգրան Ավինյանն ի՞նչ է մտածել այսքան ժամանակ՝ նրան պահելով իր պաշտոնում: Հավանաբար, Արամ Զ. Սարգսյանի խա՞թր... Իսկ Ավինյանի ականջին չեն հասե՞լ շշուկներ, որ չար լեզուներն ասում են, թե Զավենիչն էլ Նիկոլ Փաշինյանի մոտ էլ խաթր չունի:

Ինչեւէ, վերադառնանք Նոր Նորքում տիրող իրավիճակին: Հույսը վերջում է մահանում, եւ մասիվցիները հույս ունեն, որ գոնե սրտացավ թաղապետ այնուհանդերձ երբեւէ կունենան:

Հիշեցնենք, որ «Իրավունք»-ը դեռ ամիսներ առաջ էր գրել, որ ընտրություններից անմիջապես հետո՝ կսկսվի թաղապետերի կադրային ջարդը: Հասունացել է պահն ու տեսնում ենք, որ որոշ վարչական շրջաններում փոփոխություններ լինում են: Չնայած՝ այդ ամենն ավելի շատ նման է ոչ թե փոփոխության, այլ փոխատեղման՝ այստեղից հանում, այնտեղ են տանում: Իսկ Սեւոյանին ո՞ւր կտանեն, չէ որ ուր էլ տանեն, կրկին խուլ ու համր է ձեւանալու, թե՞ Ավինյանը հրաշքների է սպասում, որ գոնե մի գործ կանի՝ եթե ոչ Մասիվում, ապա մի ուրիշ վարչական շրջանում:

ՆԱՆԱ ՍԱՐԳՍՅԱՆ

Այս թեմայով «Ժողովուրդ». ՀՔԾ–ից՝ Ավանի թաղապետ․ ով է Վահե Հակոբյանը Կուլտուրական տեռոր ա սա, ուրիշ ոչ մի ձև չես ասի, ինձ սկի բանավոր չեն ասել, որ խանութը քանդելու են «Ինքը Սերոբ չի, Սերոբիկ ա, աբիժնիկ ա, սկի լիֆտը կանչի, չի գա»․ քաղաքացին՝ Աջափնյակի թաղապետին Քրեական գործով անցնող Արաբկիրի նախկին թաղապետը մասնակցում է Փաշինյանի քարոզարշավին ՔՊ-ից դուրս եկած Շենգավիթի նախկին թաղապետ Ռազմիկ Մկրտչյանը Մայր տաճարում մասնակցում է պատարագի