Ավարտվել է Վանա լճում տառեխի որսի արգելքը

Աշխարհում միայն Վանա լճի էկոհամակարգում ապրող էնդեմիկ ձկնատեսակի՝ տառեխի, պահպանման նպատակով սահմանված եռամսյա որսի արգելքն ավարտվել է։ Ձվադրման շրջանում տառեխին պաշտպանելու համար սահմանվող արգելքի ընթացքում լճում և դրա մեջ թափվող գետերում խստացված հսկողություն է իրականացվել, գրում է Ermenihaber.am-ը։

Ապօրինի որսը կանխելու համար համակարգված աշխատանքներ են տարել Թուրքիայի առափնյա անվտանգության, ժանդարմերիայի, ոստիկանության, ինչպես նաև գյուղատնտեսության ու անտառտնտեսության վարչության և քաղաքապետարանի ստորաբաժանումները։

Թուրքական մամուլում թեմայի վերաբերյալ շրջանառվող լուրերում արգելքի վերացմանը մեծ տեղ է տրվում, իսկ իրադարձությունը՝ նկարագրգվում այսպես. «Միայն Թուրքիայում՝ Վանում կա: Սպասված օրը եկել է»:

Հիշեցնենք, որ Վանա լճի աղի ու սոդայով հարուստ ջրերում բնակվող տառեխն իր բազմացման շրջանում լողում է դեպի քաղցրահամ ջրեր՝ լողալով հոսանքին հակառակ և հաղթահարելով իր առջև ծառացած բնական արգելքները։ Ամեն տարի հազարավոր զբոսաշրջիկներ այցելում են տարածաշրջան՝ հետևելու ձկների այդ տպավորիչ «գաղթին», ինչն էականորեն նպաստում է նաև տեղի տուրիզմի զարգացմանը։ Իսկ որսի արգելքը յուրաքանչյուր տարի սայմանվում է ապրիլի 15-ից հուլիսի 15-ն ընկած ժամանակահատվածի համար:

Այս թեմայով «Աղի լճի» մոտ փլուզման հետևանքով զոհ կա․ Շամշյան Ինչպե՞ս կազդի կլիմայի փոփոխությունը Սևանա լճի վրա. իշխանությունների պատասխանը Վանա լճում լողացող երեխաների մազերը դեղնում են Քարի լճի տարածքի աղտոտման դեպքով վարչական վարույթ է հարուցվել Հորդառատ տեղումների արդյունքում Սևանա լճի մակարդակը բարձրացել է 2սմ-ով