Հետախուզում է հայտարարվել «Миротворец» կայքի հիմնադիրներից Տուկայի նկատմամբ

Ռուսաստանի Ներքին գործերի նախարարությունը հետախուզում է հայտարարել ուկրաինական «Միրոտվորեց» (Myrotvorets) կայքի հիմնադիրներից նախկին պետական պաշտոնյա Գեորգի Տուկայի նկատմամբ։ Այդ մասին տեղեկությունը հրապարակվել է ՌԴ ՆԳՆ-ի հետախուզվող անձանց բազայում, իսկ ռուսական լրատվամիջոցները հայտնում են, որ նա որոնվում է Ռուսաստանի Քրեական օրենսգրքի հոդվածով։

Միաժամանակ, ՏԱՍՍ-ին իրավապահ մարմինների աղբյուրները հայտնել են, որ Տուկայի նկատմամբ հարուցված քրեական գործը կարող է կապված լինել ահաբեկչության վերաբերյալ հոդվածի հետ։ Սակայն ՆԳՆ-ի պաշտոնական որոնման քարտում կոնկրետ հոդվածը չի նշվում։

«Միրոտվորեց» կայքը գործարկվել է 2014 թվականին։ Այն ներկայացվում է որպես հարթակ, որտեղ հավաքագրվում եւ հրապարակվում են այն անձանց տվյալները, որոնց հեղինակները համարում են իբրեւ սպառնալիք Ուկրաինայի ազգային անվտանգությանը։ Տարբեր տարիներին կայքի բազայում հայտնվել են նաեւ լրագրողների, քաղաքական գործիչների, մշակույթի գործիչների եւ այն անձանց տվյալները, որոնք այցելել են Ղրիմ կամ Դոնբաս։

Գեորգի Տուկան 2015-2016 թվականներին ղեկավարել է Լուգանսկի ռազմաքաղաքացիական վարչակազմը, իսկ ավելի ուշ զբաղեցրել է վիճելի տարածքների հարցերով նախարարի տեղակալի պաշտոնը։

Այս թեմայով Գեորգի Հարությունյանի գոլը` Հունգարիայի առաջնությունում Մեծ ճնշում է գործադրվում երիտասարդների վրա. փորձում են նրանց վերածել «բիոռոբոտների». Իրեմաձե Եվրոպական ինտեգրացիան վնասակար է. Գեորգի Իրեմաձե Շատ եմ ուզում հաղթենք Վրաստանի հավաքականին. Գեորգի Հարությունյան Գեորգի Հարությունյանը արդյունավետ նորամուտ է ունեցել նոր ակումբի կազմում