Եթե անձը տարվա մեջ 183 օր Հայաստանում չի եղել, առողջության ապահովագրության շահառու չի կարող լինել. Մասնագետը որոշման հետեւանքների մասին

«Եթե անձը տարվա մեջ 183 օր Հայաստանում չի եղել, առողջության ապահովագրության շահառու չի կարող լինել»,- այս մասին հայտարարել է Առողջապահության նախարար Անահիտ Ավանեսյանը։ «Առողջության իրավունք» ՀԿ նախագահ Անուշ Պողոսյանի դիտարկմամբ.

– Այս ամենը հետևանքն է նրա, որ առողջության համընդհանուր ապահովագրության համակարգի ներդրումը հանպատրաստից կատարվեց: Հախուռն, արագ, առանց հաշվի առնելու ռիսկերը՝ նրանք ներդրեցին այս նախընտրական ծրագիրը, ինչու նախընտրական, որովհետև եթե ուշադիր եք եղել, ապա նկատելի էր, որ ամբողջ քարոզարշավը իրականացվեց հենց այս կոնտեքստում: Որքանով ես եմ տիրապետում՝ այլ երկրներում նման որոշում չկա: Մենք ունենք բազմաթիվ քաղաքացիներ, որոնք տարվա գրեթե կեսը Հայաստանում չեն ապրում, բայց այստեղ ձեռնարկատիրական գործունեություն են ծավալում, ինչը ենթադրում է, որ վճարում են ապահովագրավճար: Կամ՝ թոշակառուները, որոնք հյուր են գնում արտերկրում ապրող իրենց ընտանիքի անդամներին, կարող են վերադառնալ ու այստեղ օգտվել ապահովագրական ծառայությունից, որովհետև իրենց թոշակը ստանում են, երբ Հայաստանում չեն, հիմա ստացվում է, որ ապահովագրությունից կզրկվեն, եթե սահմանված օրերի քանակով Հայաստանում չլինեն: 

Նպատակը ամենայն հավանականությամբ այն է, որպեսզի նվազեցնեն ապահովագրված անձանց թիվը, որոնք պետք է անվճար բժշկական սպասարկում ստանան: Խնդիր կա թե՛ ծավալի, թե՛ բյուջեի հետ, դրա համար էլ փորձում են հնարավորինս քիչ սպասարկում իրականացնել, որովհետև ցանկացած դեպք իր հետևից տանում է գումար, իսկ քանի որ հատկապես թոշակառուները ստանում են պետության կողմից սուբսիդավորված ծառայություն, դա ենթադրում է, որ մենք ունենալու ենք թվի բարձրացում, դրա համար էլ նման ֆիլտր են դրել: Չեն հիմնավորում, թե իրենք ինչպե՞ս են մերժելու այն մարդկանց, որոնք վճարում են ապահովագրավճար, բայց տարվա կեսը Հայաստանում չեն լինում, սակայն այստեղ ձեռնարկատիրությամբ են զբաղվում: 

Այս թեմայով Ռուսները ոչնչացրել են Ուկրաինայի զինված ուժերի համար բեռներ տեղափոխող եւս հինգ բեռնանավեր (Տեսանյութ) ԵՄ դեսպանները կրկին չեն կարողացել համաձայնության գալ Ռուսաստանի դեմ պատժամիջոցները երկարաձգելու հարցում Բելառուսը օգնում է Ռուսաստանին հարվածել Լեհաստանի հետ սահմանին. Ուկրաինացի ռազմական վերլուծաբաններ Ucom Fellowship-ի մասնակիցները Ucom-ում հանդիպեցին Ռալֆ Յիրիկյանի հետ Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ