«Տելեգրամ»-ով թմրանյութի վաճառքի հերթական դեպքը. 31-ամա անձը մեծ քանակի «Կրիստալ» է ձեռք բերել՝ մայրաքաղաքի տարբեր հատվածներում տեղադրելու նպատակով

Ապօրինի եղանակով թմրանյութ ձեռք բերելու հերթական դեպքն է գրանցվել։ Ոստիկանները Երևանում, Դավթաշենում նկատել են տևական ժամանակ կայանված «KIA» մակնիշի ավտոմեքենա, որի վարորդը դրսևորել է կասկածելի վարքագիծ։ Մոտենալով նրան՝ ոստիկանները խնդրել են ներկայացնել փաստաթղթերը, այդ ընթացքում վարորդը ավտոմեքենայի սրահից հանել և նետել է բջջային հեռախոս և դեղին թղթե տուփ։

Ինչպես հայտնում է ֆոտոլրագրող Գագիկ Շամշյանը,  ապօրինի թմրամիջոց ձեռք բերելու, պահելու և իրացնելու հիմնավոր կասկածի հիմքով տղամարդուն ձերբակալել և տեղափոխել են ոստիկանության Դավթաշենի բաժին, որտեղ պարզվել է, որ նա Երևանի բնակիչ 31-ամյա Տիգրան Մ.-ն է։ Ձերբակալվածը հայտնել է, որ իր կողմից նետված տուփի մեջ եղել են «Կրիստալ» տեսակի թմրամիջոցով լցված 4 փաթեթ, որոնք ձեռք է «Տելեգրամ»-ով՝  առանձին վայրերում տեղադրելու  նպատակով։

Դեպքի փաստով ոստիկանության Դավթաշենի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժին, որտեղ նախաձեռնվել է քրեական վարույթ։

Գ. Շամշյանի տեղեկություններով՝ քրեական վարույթի շրջանակներում դեպքի վայրի զննությամբ հայտնաբերվել է 4 փաթեթ՝ ընդհանուր 210.36 գրամ քաշով «Մեթամֆետամին» («Կրիստալ») տեսակի թմրամիջոց։

Քննիչի որոշմամբ Տիգրան Մ.-ն ձերբակալվել և տեղափոխվել է ձերբակալվածների պահման վայր։
 

Այս թեմայով Աջափնյակում շրջող օտարերկրացու մոտ 51 փաթեթ կոկաին է հայտնաբերվել Ժողովուրդ». Թմրանյութ շարողների «մաֆիան» ահաբեկում է գյուղացիներին. ծեծ, խուզարկություն Ավանի համայնքային ոստիկանները թմրամիջոցի 30 փաթեթ են հայտնաբերել Հայտնաբերվել է 318 գրամ մեթամֆետամին Դավթաշենի համայնքային ոստիկանները թմրանյութի իրացման դեպք են կանխել