Չինաստանը փորձարկում է իմպուլսային զենք Starlink-ի դեմ

Չինական զինվորականները մշակել են իմպուլսային զենք, որը կարող է ոչնչացնել Starlink-ի արբանյակները։

Այս մասին ասվում է Չինաստանի Պաշտպանության տեխնոլոգիաների ազգային համալսարանի հետազոտողների հոդվածում, որը հրապարակվել է «Բարձր հզորության լազերային և մասնիկային ճառագայթներ» մասնագիտացված ամսագրում և մեջբերվել է South China Mornong Post-ի կողմից։

Այն առաջին անգամ հրապարակայնորեն բացահայտում է Չինաստանի նման զենքի զինանոցի որոշ բնութագրեր։ Հեղինակների խոսքով՝ համակարգերը կարող են ուղարկել մինչև 100 գիգավատ հզորությամբ իմպուլսներ։ Չին գիտնականները պնդում են, որ վերջին տարիներին տեխնոլոգիան զարգացել է «լաբորատոր նախատիպերից մինչև գործնական կիրառություն», և մշակումները դարձել են ավելի «արդյունավետ և դիմացկուն»։

Հետազոտողները գնահատում են, որ նման համակարգերի օգտագործման արժեքը կարող է զգալիորեն ցածր լինել տիեզերական թիրախների ոչնչացման ավանդական միջոցների համեմատ։

Հեղինակները նաև նշում են, որ հրապարակումը կարող է օգնել այլ երկրներին գնահատել խոշոր արբանյակային խմբերի խոցելիությունը բարձր հզորության միկրոալիքային զենքի նկատմամբ։ Վերջին տարիներին Չինաստանը ակտիվորեն զարգացնում է այս ոլորտը՝ որպես իր «նշանակալի ազգային ռազմավարական կարիքների» մաս։

Ավելի վաղ արևմտյան լրատվամիջոցները եւս հաղորդել էին, որ Ռուսաստանը և Չինաստանը մշակում են Starlink-ի դեմ հակազդեցության միջոցներ։

Տե´ս նաեւ https://t.me/iravunk/69560 

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան