Արման Ծառուկյանն ու Կուատ Խամիտովն անցկացրել են հայացքների մենամարտ RAF մրցաշարից առաջ

UFC-ում հանդես եկող Հայաստանի ներկայացուցիչ Արման Ծառուկյանը և ղազախստանցի MMA մարտիկ Կուատ Խամիտովը հայացքների մենամարտ են անցկացրել Վրաստանի մայրաքաղաք Թբիլիսիում կայանալիք RAF Georgia մրցաշարի շրջանակում նախատեսված գոտեմարտից առաջ։

Մարտիկները սեղմել են միմյանց ձեռքն ու կանգնել դեմ առ դեմ։ Հայ մարզիկը կատակով ձեռքերով չափել է ղազախստանցու ուսերն ու գոտկատեղը՝ սպասվող դիմակայությունից առաջ գնահատելով նրա ֆիզիկական մարզավիճակը։ Դրանից հետո նրանք շրջվել են դեպի լրագրողներն ու դահլիճը՝ ավանդական լուսանկարահանման համար։

Ծառուկյանի և Խամիտովի միջև ըմբշամարտի կանոններով գոտեմարտը կկայանա այսօր և կանցկացվի ամերիկյան RAF լիգայի՝ Թբիլիսիում ընթացող մրցաշարի միջին քաշային կարգի շրջանակներում։

Մարտիկների միջև այս դիմակայության պատմությունը սկսվել է դեռևս 2025 թվականի դեկտեմբերի 17-ին Մոսկվայում կայացած ACBJJ 20 ջիու-ջիթսուի մրցաշարի ժամանակ։ Այդ երեկո Խամիտովը մրցավարների ոչ միաձայն որոշմամբ հաղթել էր UFC-ի վետերան Ռաշիդ Մագոմեդովին, որից անմիջապես հետո մամուլի ասուլիսի ժամանակ մարտահրավեր էր նետել Ծառուկյանին (վերջինս նույն մրցաշարում նվաճել էր «Աստղերի գոտին»)։

Խամիտովն Արմանին մեղադրել էր հարվածային ոճի մարտիկ Շարա Բուլետի հետ մենամարտելու ծրագրերի պատճառով «հեշտ ճանապարհ» ընտրելու մեջ՝ կոչ անելով կազմակերպիչներին և անձամբ հայ մարտիկին փոխել ծրագրերը հօգուտ իրենց անձնական հանդիպման։ Ծառուկյանն ընդունել էր մարտահրավերը, ինչն էլ արդյունքում հանգեցրեց Թբիլիսիում նրանց գոտեմարտի պաշտոնական հաստատմանը։

Այս թեմայով Աշնանային սրացումներ ԱԺ-ում․ ԶԱՐՄԱՆՔ Ծառուկյանը պատրաստ է հրաժարվել հարստությունից հանուն UFC-ի տիտղոսի ՀՀ իշխանությունը 102-րդ բազայի թեման շանտաժ էր անում, ՌԴ-ն խաղաքարտերը վերցրեց Փաշինյանի ձեռքից. Արման Աբովյան Ծառուկյանի կալանքը 1 մարդու ցանկության հարց է, դրանով ՀՀ-ի տնտեսական ռեյտինգին մեծ հարված է հասցվել Դատախազությունը պահանջում է անվավեր ճանաչել Ծառուկյանի հետ փոխկապակցված մի շարք անշարժ գույքերի գործարքները