«Ժողովուրդ». ՀՀ գլխավոր դատախազ ընդդիմադիր երկու պատգամավորների վերաբերյալ միջնորդությունների կներկայացնի ԱԺ

«Ժողովուրդ» օրաթերթը գրում է. «Թեև նոր ձևավորված Ազգային ժողովը դեռ ամբողջությամբ չի սկսել իր աշխատանքը և դեռևս ամբողջությամբ չի ձևավորվել, արդեն գործընթացներ են սկսվել պատգամավորների նկատմամբ։

«Ժողովուրդ» օրաթերթի տեղեկություններով՝ ՀՀ գլխավոր դատախազ Աննա Վարդապետյանն այս օրերին աշխատում է ընդդիմադիր երկու պատգամավորների վերաբերյալ միջնորդությունների վերջնական փաթեթների վրա և մտադիր է դրանք ներկայացնել արդեն նոր ձևավորված խորհրդարանին։

Մեր աղբյուրների փոխանցմամբ՝ խոսքը վերաբերում է ՀՅԴ Հայաստանի Գերագույն մարմնի ներկայացուցիչ, «Հայաստան» խմբակցության պատգամավոր Իշխան Սաղաթելյանին և «Ուժեղ Հայաստան» խմբակցության ղեկավար Նարեկ Կարապետյանին։

«Ժողովուրդ»-ի տեղեկություններով՝ երկու միջնորդությունների վրա աշխատանքն արդեն ավարտական փուլում է։ Մեր զրուցակիցների պնդմամբ՝ դատախազությունում փաստաթղթերի նախապատրաստման հիմնական աշխատանքներն արդեն իրականացվել են, և նախատեսվում է, որ դրանք կներկայացվեն Ազգային ժողովին՝ վերջինիս լիարժեք ձևավորումից հետո։

Թե հատկապես ինչ իրավական հիմքերով են պատրաստվում ներկայացվել այդ միջնորդությունները, ինչ քրեական վարույթների շրջանակում են դրանք կազմվում և ինչ գործողություններ են նախատեսվում պատգամավորների նկատմամբ, առայժմ պաշտոնապես չի հրապարակվում։

«Ժողովուրդ» օրաթերթը փորձեց այս տեղեկությունների առնչությամբ պաշտոնական մեկնաբանություն ստանալ ՀՀ գլխավոր դատախազությունից՝ խնդրելով պարզաբանել, արդյոք իսկապես նման միջնորդություններ են նախապատրաստվում, որոնք են դրանց իրավական հիմքերը և ինչ փուլում են գտնվում գործընթացները։

Սակայն դատախազությունից մեզ հորդորեցին հարցերն ուղարկել գրավոր։

«Ժողովուրդ»-ն արդեն գրավոր ուղարկել է իր հարցադրումները ՀՀ գլխավոր դատախազություն և պատրաստ է ամբողջությամբ հրապարակել ստացված պատասխանը՝ այն ստանալուն պես։

Մինչ այդ հիշեցնենք, որ վարչապետ Նիկոլ Փաշինյանը նախկինում հրապարակային ելույթներում կոշտ գնահատականներ է հնչեցրել ընդդիմության հասցեին՝ նրանցից մի քանիսին բնորոշելով որպես «եռագլուխ պատերազմի կուսակցություններ»։ Այդ քաղաքական գնահատականներին հետևել են իրավական ռեպրեսիաներն ու բանտարկությունները։

Փաստորեն, դրանք շարունակվելու են. Փաշինյանը, ըստ ներկայացված պնդումների, մտադիր է իր ընդդիմախոսներին հերթով բանտ ուղարկել»։

Առավել մանրամասն թերթի այսօրվա համարում

Տե´ս նաեւ https://t.me/iravunk/69512 

Այս թեմայով «Փաստ». Քաղաքական վերակազմավորումներ և ընդդիմադիր ցուցանիշներ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Վերջին շաբաթներին Ռուսաստանը երկու անգամ փորձել է հարձակվել իմ ինքնաթիռի վրա. Զելենսկի Զելենսկու մերձավոր Ուկրաինայի գլխավոր դատախազը փախել է Լեհաստան. մանրամասներ Տեսախցիկը ֆիքսել է Օդեսայի նավահանգստում ուկրաինական երկու բեռնանավերի խոցման պահը