Ուկրաինայում բռնկված խոշոր «լրտեսական սկանդալը» գնալով միայն թեժանում է

Ուկրաինայում բռնկված խոշոր «լրտեսական սկանդալը» գնալով միայն թեժանում է:

Հիշեցնենք, ըստ տարածված վարկածի, ուկրաինական հատուկ ծառայությունների գործակալ Անաստասիա Բերեզովսկայան Մոնակոյում կազմակերպել էր ուկրաինացի օլիգարխ եւ Զելենսկու համար մի շարք հարցերով լուրջ վտանգ ներկայացնող Վադիմ Երմոլաևի սպանությունը: Սակայն եղավ ձախողում. օլիգարխը, նրա կինն ու որդին միայն վիրավորվեցին: Շատ արագ հետախուզում հայտարարվեց Բերեզովսկայայի նկատմամբ, հաշվի առնելով, որ Մոնակոյում առհասարակ նման գործողությունները մեծ հարված են եվրոպական էլիտայի որոշակի թեւի շահերին, եւ կար մեղավորներին բացահայտելու ու ցուցադրաբար պատժելու խնդիր:

Իհարկե, Եվրոպայում միամիտներ չկան. Մոնակոյի ահաբեկչական հարձակումը բացահայտել պահանջող թեը հասկանում է, որ դա ընդամենը շատ բան իմացող գործակալի վերացնելու օպերացիա էր, բայց հապճեպ կազմակերպված, ըստ այդմ էլ` շատ կոպիտ: Այդ մեղադրանքները «ցրելու» համար Կիեւում ձերբակալեցին Բերեզովսկայային լիկվիդացրած գործակալին Վիտալի Ժիկովիչին: Նա թեեւ նախնական ցուցմունքներում պնդում էր, թե սպանել է ֆինանսական նպատակներով, սակայն արդեն ինչ-որ բան այստեղ էլ է փոխվել:

Այսպես, Ժիկովիչի պաշտպանությունը պնդում էր, որ Բերեզովսկայային լիկվիդացիան կատարվել է «վերադասի հրամանով»։

Փաստաբանի խոսքով՝ Ժիկովիչը «կատարում էր իր վրա դրված պարտականությունները»։ Իսկ դա մեկ բան է հուշում. Մոնակոյի ահաբեկչությունը բացահայտել պահանջողները ունեն բոլոր լծակները տեղի ունեցածը ծածկելու փորձերը բացառելու համար: Այսինքն, եթե հաստատվում է, որ ուկրաինական հատուկ ծառայությունների ղեկավարությունը պարզապես լիկվիդացրել է Մոնակոյում ձախողված իր գործակալին, ապա նշանակում է, որ Մոնակոյում ահաբեկչական հարձակումը եւս կազմակերպվել է հենց այդ ղեկավարության հրամանով: Ու հետո թելը կգնա ավելի վերեւներ...

Սակայն խնդիրն այսքանով չի ավարտվում: Իրակությունն այն է, որ եթե ժամանակին ուկրաինական հատուկ ծառայություններն ամեն գնով պաշտպանում էին սեփական գործակալներին, ապա հիմա պարզվում է, որ պետք եղած պահին ամեն մեկին էլ, ով «ազնվորեն» հրաման է կատարել, կարող են զոհաբերել: Ըստ ուկրաինական հեղինակավոր աղբյուրի. «Բերեզովսկայայի գործը կարող է կործանարար դառնալ ուկրաինական հետախուզական ծառայությունների համար, քանի որ կատարող մակարդակի գործակալները գաղտնի օգտագործվել են Բանկովա փողոցի գործիչների կողմից, ապա պարզապես լքվել։ Սա անհնար էր Բուդանովի օրոք, երբ բոլոր գործակալները պաշտպանված էին: Բայց հիմա նրանք պարզապես զոհաբերվում են, ու սա զգուշացում է ամեն մի գործակալի համար. վաղը ինքը կարող է այդ վիճակում հայտնվել։ Իսկ կոնկրետ դեպքում ակնհայտորեն որոշումը կայացվել է ամենաբարձր պաշտոններում, բայց երբ գործը դարձել է սկանդալային ամբողջ ԵՄ-ում, հետքը պետք է թաքցվեր: Չհաջձողվեց, ուրեմն պետք է շատ խոշոր մեկը պատասխան տա...»։

Տե´ս նաեւ https://t.me/iravunk/69498 

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան ԱՄՆ-ն քննարկում է ՌԴ-ի հետ լայնածավալ գործարքներ կնքելու հարցը՝ մինչև Ուկրաինայում պատերազմի ավարտը. The New York Times Ռուսաստանի հարձակումները Եվրոպայի վրա գնալով ավելի հանդուգն և վտանգավոր են դառնում. Bloomberg Լավրով. Մոսկվան արևմտյան զորքերի տեղակայումն Ուկրաինայում կդիտարկի որպես պատերազմի հայտարարում ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով