Արտյոմ, դու ինչո՞ւ «Լրաբեր» չես վարում

Երեւանի քաղաքապետ Տիգրան Ավինյանի մամուլի քարտուղար ԱՐՏՅՈՄ ԿԱՐԱՊԵՏՅԱՆԸ ծավալուն հայտարարություն է տարածել՝ անդրադառնալով Գագիկ Ծառուկյանի կենդանիների՝ կենդանաբանական այգի տեղափոխման շուրջ ծավալված քննարկումներին։ Նրա խոսքով՝ քաղաքապետարանի առաջարկը բացառապես նպատակ ուներ կենդանիների համար ապահովել անվտանգ եւ մասնագիտական խնամք, իսկ գործընթացը քաղաքականացնելու փորձերը համարել է մանիպուլյատիվ։

Նախկին հաղորդավար Կարապետյանը նաեւ անդրադարձել է էգ առյուծի անկմանը՝ նշելով, որ սեդացիայից հետո կենդանու չարթնանալը ցավալի, բայց մասնագիտական գնահատման ենթակա դեպք է, եւ այն քաղաքական հաշվեհարդարի դրսեւորում ներկայացնելը, ըստ նրա, անհիմն է։

Ինչ խոսք, «Ասեք, կանենք» կարգախոսով հայտնի Ավինյանի խոսնակին ասել են, ինքն էլ արել է նման հայտարարություն։ Բայց հանրային դժգոհության առկա պայմաններում պաշտոնյաներից սպասվում են ոչ միայն երկար բացատրություններ, այլեւ պատասխանատվության հստակ դրսեւորումներ եւ հանրությանը հուզող հարցերի ուղիղ պատասխաններ։

Ինչ վերաբերում է կոնկրետ Արտյոմ Կարապետյանին, քաղաքապետի մամլո քարտուղարից բնապահպան դարձնելն ու մասնագիտական թեմայով հայտարարության տեքստ դեմ տալը, անխոս, առնվազն զարմանալի է։ Իսկ մեզ մնում է հավելել՝ Արտյո՛մ, դու ինչո՞ւ «Լրաբեր» չես վարում, դա քեզ մոտ հաստատ ավելի լավ էր ստացվում, թե՞, ինչպես «Մեր բակը» ֆիլմում է ասվում, տեքստ չունես։

ՀՐԱՆՏ ՍԱՐԱՖՅԱՆ

Այս թեմայով Նիկոլ Փաշինյանն ուզում է առևտուր անել մեզ հետ. ինչքան պետք է՝ կնստենք, կհելնենք, բայց պետք է սրանց ցույց տանք, որ չենք զիջելու. Նարեկ Կարապետյան Վաղը պետք է կարևոր բան լիներ, մի քանի ժամից կիմանաք, դա են փորձել կանխել․ Նարեկ Կարապետյան Նարեկ Կարապետյանի երեխայի համակարգիչն են առգրավվել, սա հերթական քաղաքական հետապնդումն է Մեր տանն էլ են խուզարկություն անում, բայց ես որպես եղբայր եմ այստեղ, քաղաքականությամբ չեմ զբաղվում Կարապետյանի փչած փուչիկները